Ekim. 1:53 - Ebaibul

⁵³ nai edukokinete ŋilepi ŋiemae kec diyete eema ŋolo eyai Asaduku ŋina ka Acamunet irimokinito eema ŋol, ikotere nyeyakaun anyunyura ŋina ka Akuj natukot a Ŋisirael, ŋilepi make emaikina iyokiyete eema ŋol ŋolo eyai Asaduku ŋina ka Acamunet.”

Ekim. 1:53 Iomraidhean Croise

1 Ŋakiro a ŋirwa 23:32

Aŋun, apotu ŋilepi kitiyata ŋiticisyo kec ŋulu ainakinitae aŋuna ke eema a ŋolo elipere ka aŋuna a akibois a ŋina asegan, arae ŋikaitotoi kec ŋipapae ka Aron apolokinito ŋiketiyak ŋul alotic a ŋolo ka Akai ke Ekapolon.

2 Ŋakiro a ŋirwa 13:10

Nai ani eruwor isua, Ekapolon iŋes erae Akuj kosi, nyimyekina isua iŋes. Ikiyakar isua ŋisacaradotin ŋulu itiyaete etic ke Ekapolon, ikes ŋiletok ka Aron, ido iŋarakinito ŋilepi ikes akitiya.

2 Ŋakiro a ŋirwa 13:11

Einanakinete ikes Ekapolon a ŋinataparacu ka a ŋinataboŋ ŋainakineta ŋuna epeyo ka icunyete ekinyate. Iwuanakinete ŋamugati lomesa ŋolo asegan ŋolo ke etal ka inokanakinete ŋitaae a ŋinataboŋ anawoeta a ŋitaae aŋuna itiyaunitae ke egolid. Iwuapitae isua ŋuna ikicik Ekapolon Akuj kosi, nai imyekis iyes iŋes.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Ekim. 1:50

Nai emaikina iyoŋ kiwuak ŋilepi akitere eema ŋolo ilipere ka ŋiboro daadaŋ ŋulu eya tooma keŋ. Ani apaki ŋina iwotokiniata iyes anakibois ka adio, ŋilepi ikes edakete eema ŋolo ilipere kaapei ka ŋiboro daadaŋ ŋulu eya tooma keŋ, emaikina ikes kiteto eema ŋol, ido toduko ŋiemae kec kirimokis eema ŋolo ilipere.

Ekim. 1:54

Apotu Ŋisirael kitiyata ŋun daadaŋ lopite ŋolo ecikitor Ekapolon Moses.

Ekim. 16:46

Tolimok Moses Aron tema, “Tolemu isipirya kon ŋini ke ekinyate, kiwuak akim ŋina anamuroet tooma keŋ, kiwuak ekinyate, ido iya atipei natukot, tomooku ŋituŋa; anerae aŋo Ekapolon ka ageiki edeke akiar ŋituŋa.”

Ekim. 16:9

Edit mono aneni kus apolou ŋina ikiinak iyes Akuj a Ŋisirael, Akuj ŋina ikityaka iyes anatukot a Ŋisirael daadaŋ, ikotere ikicamakini iyes alosit diyete keŋ aŋuna ka akitiya ŋiticisyo aloeema a ŋolo ke Ekapolon ka akiwo alokiŋaren atukot a ŋituŋa, ido kitiyanakis iŋes?

Ekim. 17:7

Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.

Ekim. 2:17

“Emaikina kiwuakinae eema ŋolokilipet ka alomar a ŋilepi kidiŋ ŋalomarisinei ŋuna a ŋikabilae a ŋuluce. Ani edoli apaki ŋina ewotokinere, emaikina ŋituŋa kiwuapas lopite ŋolo sek ayakatar ikes eriŋa nyewotokina aneni alomito, tolosete a ŋatuketa, a ŋikabilae kec ka ŋinatukot kiwuapite abendera keŋ.

Ekim. 3:23

Amaikina ŋatekerin a Ŋigerisoni toloma kaku eema ŋolokilipet,

Ekim. 3:29

Amaikina ŋatekerin a Ŋikoasi toloma lowae ŋolo alo Kwap eema ŋolokilipet.

Ekim. 3:35

arae ekarikon a ŋatekerin a Ŋimerari Suriel lokoku ka Abiail. Amaikina ikes toloma lowae ŋolo alo Kuju eema ŋolokilipet.

Ekim. 3:38

Emaikina Moses ka Aron ta ŋidwe ka Aron ŋulusapa toloma kiŋaŋaren eema ŋolokilipet, lowae ŋolo alo Kide, ŋolo elomununia akoloŋ, etic kec akitiya ŋitalyo alotooma akibois ŋina asegan aŋuna a Ŋisirael. Ituŋanan daadaŋ ŋini aapiyari nen, amaikina toarae.

Ekim. 31:30

“Nai alotooma atutubet ŋina ekorakinio Ŋisirael ŋuluce, emaikina iyoŋ tolemu ipei alotooma ŋatomonikan, kerae a ŋituŋa, a ŋimoŋin, a ŋisigirya, a ŋamesekin, kori a ŋamee, kori ŋibaren ŋuluce daadaŋ, tosodi inakis neni a ŋilepi, a ŋiketiyak loeema ŋolo ke Ekapolon.”

Ekim. 31:47

Alotooma ŋiboro lu ŋulu atyakakinitae Ŋisirael ŋuluce daadaŋ, abu Moses totyaka ipei alotooma ŋatomonikan a ŋituŋa ka a ŋibaren, ido inak neni a ŋilepi a ŋiketiyak loeema ŋolo ke Ekapolon, lopite ŋolo ecikitor Ekapolon Moses.

Ekim. 8:19

Nabo daŋ adau ayoŋ ainakin ŋilepi erae ainakinet neni ka Aron ka ŋidwe keŋ ŋulusapa aneni a Ŋisirael akitiya ŋiticisyo aŋuna a Ŋisirael alo eema a ŋolokilipet ka amookuunun Ŋisirael, ikotere nyeyakaun edeke ŋolo emunyari Ŋisirael apaki ŋina eapiyaryata ikes nakibois ŋina asegan.”

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

1 Sam. 6:19

Abu Ekapolon kisican ŋikilyok a Bes-Semes ŋice, toar ŋatomonikanikaarei aŋuna keponiata ikes toripiyasi tooma Asaduku ŋina ke Ekapolon, aya lokimar ŋol ŋikapolok ŋatomonikan, kigworo ŋituŋa aŋuna abunio Ekapolon tomunyarya ŋituŋa ŋulu alalak nooi.