Ekal. 9:3 - Ebaibul

³ Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Ekal. 9:3 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Yob 15:16

Etya nai ai amamukau asegis aneni a ŋini esiilyana ka ŋini itiyae atuna, a ŋini iturakinit ŋasecisya nakuwan keŋ lopite ŋolo emasere ŋakipi jik.

Yob 21:26

ani etwakete ikes daadaŋ, enukakinio nalup, ido ebutarete ŋikur ikes daadaŋ kirikasi.

Yob 9:22

Mam ibore ipei daŋ isimukekinit etau kaŋ, aŋun alimu ayoŋ atemar, emunyari Akuj ŋulu nyitoroniyaritae kaapei ka ŋulu aronok.

Ŋikiru. 51:5

Kire jik, arae ayoŋ ikasecan ŋinapei anakidouno kaŋ, ikasecan ŋinapei akapotiunio ayoŋ toto kaŋ.

Ŋikiru. 64:7

Nai isicani Akuj ŋituŋa ŋul; eari ikes pa eyenete.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Ekal. 1:17

Abu nai ayoŋ oŋirik ayenun atyeketait ŋina eyai kidiŋ ayenut ka abaŋao, aosou ka akikerepikinit, nai abu ayoŋ oyenu atemar ekwaan ŋun daŋ ka akirisit ekuwuam,

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Ekal. 2:14

Epedorete ŋikaosok akiŋolikin neni elosete ikes, nai nyepedorete ŋibaŋaanotin akiŋolikin neni elosete ikes. Nai abu ayoŋ otamak atemar eryamunete ŋikaosok ka ŋibaŋaanotin ŋican kaapei.

Ekal. 7:2

Ejok alosit kai ŋina igworore akilo alosit kai ŋina itiyaere ŋasuban, anerae erae atwanare ŋina a ŋituŋa a daadaŋ emaikina ŋituŋa ŋulu eriŋa eyarete kirica ŋakiro ŋun alotai kec.

Ekal. 7:25

Abu nai ayoŋ ewuak ŋatameta kaŋ ayenun, aripiripuun ka akiwarun aosou ta ŋaboŋonokineta ŋuna a ŋakiŋiseta kaŋ. Abu daŋ ayoŋ oyenu atemar erae aronis abaŋao ŋimasimas.

Ekal. 8:11

Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Ekal. 9:11

Adau nabo ayoŋ akiŋolikin ibore ice anakwap a na; ibore ŋin iŋes en, meere ekapiranan iloununui ŋuluce anakerit, kori meere ekagogoŋon iloununui alojie, meere ekaoson eyakar akimuj ŋina alalan, meere ekapiiryanan eyakar abaru, meere ŋulu eyenete akitiya ŋiboro eryamunete ajokis, nai icwanyanakin ŋun lotuŋa daadaŋ a ŋinapaki.

Ekal. 9:2

Etakanununete ŋuna aronok neni a daadaŋ: Neni a ŋulu iyookino ka neni a ŋulu nyiyookino, neni a ŋulu ajokak, neni a ŋulu aronok, neni a ŋulu nyitoroniyaritae ka neni a ŋulu itoroniyaritae neni a ŋulu eayeneneete ŋamuronisya ka neni a ŋulu nyeayeneneete ŋamuronisya ŋuna etakanikinete neni a ŋituŋa a ŋulu ajokak, etakanununete neni a ŋikasecak daŋ; ŋuna etakanunete neni a ŋulu ikoŋeneneete, etakanununete neni a ŋulu ekerito akikoŋ.

Ekal. 9:4

Nai ituŋanan daadaŋ ŋini eriŋa eyari anakwap a na a ŋina eyakasi ŋituŋa ŋulu eyarete, eyakar ituŋanan ŋin akigeno, toyenete atemar ejok eeŋok ŋolo eyari akilo eŋatuny ŋolo etwanit.

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Luk. 15:17

Ani ekaku, kiito iŋes ekecere tema, ‘Imujete ŋiketiyak a papa kaŋ akimuj kimwoko topiyanut, nai okaarite ayoŋ akoro a ne!

Luk. 6:11

Toŋoa ikes nooi, kisyakis atukun ŋuna kitiyakina neni a Yesu.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

Ŋitic. 26:11

Abu ayoŋ jwi jwi esican ikes alosinagogae a daadaŋ aŋuna ka akitiŋakin ikes akiŋer anupit kec; ido anyunyurikina ayoŋ ikes nooi, esican tari alotaunio a ŋulu agelaaka.

Ŋitic. 26:24

Ani irworikini Paulo aŋuna keŋ alopite a lo, kiŋenyak Pesto iŋes tema, “Ikikerepikinit iyoŋ Paulo! Kikimunaiya iyoŋ asyomit kon ŋina apolon!”

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

2 Pet. 2:16

Nai aponi iŋes kiyayakinae aŋuna ka akisec keŋ; abu esigirya keŋ kirworik ikwa ituŋanan ka kiteesik ekadwaran ŋol ŋiticisyo ŋulu esikerepikinito iŋes.