Ekal. 9:11 - Ebaibul

¹¹ Adau nabo ayoŋ akiŋolikin ibore ice anakwap a na; ibore ŋin iŋes en, meere ekapiranan iloununui ŋuluce anakerit, kori meere ekagogoŋon iloununui alojie, meere ekaoson eyakar akimuj ŋina alalan, meere ekapiiryanan eyakar abaru, meere ŋulu eyenete akitiya ŋiboro eryamunete ajokis, nai icwanyanakin ŋun lotuŋa daadaŋ a ŋinapaki.

Ekal. 9:11 Iomraidhean Croise

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Ŋakiro a ŋirwa 20:15

Tema Yaasiel neni a ŋituŋa, “Topupokisi iyoŋ erwosit Yeosapat ka ŋituŋa daadaŋ ŋulu iboiyete alo Yudaya ka Yerusalem. Irworo Ekapolon ŋakiro nu neni kus ebala, ‘Nyikuryaketa, kori nyikikadak aŋuna a ŋasigarya a ŋuna alalak nooi a ŋun, anerae meere iyes itijiyete ikes, nai Akuj.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 76:5

Ademar ŋikadedeŋak ibore daadaŋ ŋini a ŋatunito adaut atwakare; mam ipei daŋ alokajiok kec ŋini abu toji.

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ekal. 2:12

Aŋun abu ayoŋ ogeu atamatam atemar nyo mono apolou a aosou, a ŋimasimas ka abaŋao? Eya mono tokona ŋace ŋuna epedori ŋini elunyokin lokicoloŋ a erwosit aruwor ekepukan akitiya akilo ŋuna sek ekiŋaren itiyatae a?

Ekal. 3:14

Ayeni ayoŋ atemar ŋuna daadaŋ itiyae Akuj, erubakinete ŋikaru ka ŋikaru; mam ibore iyatakino nen, kori mam ŋini elemaryo a nen; etiya Akuj ŋun, ikotere ŋituŋa daadaŋ itopoloorete Akuj;

Ekal. 3:17

Abu ayoŋ otam bon otema, “Etubi Akuj ŋakiro a ŋituŋa a ŋulu iyookino ka ŋuna a ŋulu aronok, anerae adau Akuj akitemokin apaki ŋina a ŋunakiro daadaŋ ka ŋina a ŋolotic daadaŋ.”

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Ekal. 7:13

Totamatamata mono iyes ŋuna a ibore a daadaŋ a ŋini adau Akuj asubun. Ŋae epedori arikin ibore ŋini esubunitae emagul?

Ekal. 9:2

Etakanununete ŋuna aronok neni a daadaŋ: Neni a ŋulu iyookino ka neni a ŋulu nyiyookino, neni a ŋulu ajokak, neni a ŋulu aronok, neni a ŋulu nyitoroniyaritae ka neni a ŋulu itoroniyaritae neni a ŋulu eayeneneete ŋamuronisya ka neni a ŋulu nyeayeneneete ŋamuronisya ŋuna etakanikinete neni a ŋituŋa a ŋulu ajokak, etakanununete neni a ŋikasecak daŋ; ŋuna etakanunete neni a ŋulu ikoŋeneneete, etakanununete neni a ŋulu ekerito akikoŋ.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Yer. 46:6

Nyepedorito tari ŋulu apiranak akiem toekasi, nyepedorito tari ŋikajiok akisi, emasakinosi daadaŋ Kuju diyete aŋolol Eupurate.

Yer. 48:14

Ikokinete iyes ibasi, ‘Ikirae isua ŋikelounak ka ŋikajiok ŋulu etirok’?

Yer. 9:23

“Alimu Ekapolon atemar, nyicamakis ŋikaosok iturotor aosou kec, nyicamakis ŋikagogoŋ iturotor agogoŋu kec, ka nyicamakis ŋulu ebarito iturotor abaru kec,

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

1 Sam. 17:50

Aŋun, abu Daudi kilou Epilistait ŋol kan amoru ka adoe, topet Epilistait tocakakin kwap, totwan; amam ekileŋ atiŋit Daudi.

1 Sam. 6:9

nai kiteosi iŋes, ani kiyoor nakwap keŋ lowae ŋolo eyai Bes-Semes, apolou keŋ atemar Ekapolon kebu yau ŋican lu neni yok. Nai ani pa kelot nen, ikiyenuni iwon atemar meere Ekapolon abu itotiŋ iwon neni aronon nooi, kicwanyunio iwon ŋican ŋul erae akicwanyun.”