Ekal. 9:10 - Ebaibul

¹⁰ Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Ekal. 9:10 Iomraidhean Croise

Akisy. 37:35

Potu ŋidwe keŋ daadaŋ ŋulusapa ka ŋulupesur akisirwor iŋes, nai towou iŋes akisirworiuno tema, “Mam, alomari ayoŋ kwap nakipany neni alokoku kaŋ egworo.” Aŋun, kigwor Yakob aŋuna a Yosepu.

1 Ŋakiro a ŋirwa 22:19

Inakinos tokona alotai ka anakiyar kus, kiwara Ekapolon Akuj kus. Apesi kisyakis akiduk akibois ŋina asegan ŋina ke Ekapolon Akuj, ikotere iyaunete Asaduku ŋina ka Acamunet ke Ekapolon ka ŋiboro ŋulu asegak ŋulu ka Akuj tooma Akai ŋina idukokinete aŋuna ke ekiro a Ekapolon.”

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

Neem. 2:12

Abu nai ayoŋ onyou nakwaare, kaapei ka ŋikilyok ŋidi. Nyelimokina ayoŋ ituŋanan idio ŋakiro ŋuna abu Akuj kaŋ kiwuak lotau kaŋ akitiya aŋuna a Yerusalem. Abu ayoŋ oya aŋole ŋina sek adokit ayoŋ, iŋes bon abu ayoŋ oya.

Neem. 4:2

Tolimu iŋes epupete ŋituŋa ŋulu etiyaata Iŋes etic ŋolo ka apukan ka ŋasigarya ŋuna a Samaria tema, “Nyo itiyaete Ŋiyudayan lu epalag lu? Epedorete mono ikes akinyakakin arwatata daadaŋ a? Einakinete ikes ŋamuronisya a? Edukokinete mono ikes arwatata alotooma apei koloŋit a? Ekutunete mono ikes ŋamoru aneni etukotor icunyitae a?”

Neem. 4:6

Aŋun, aponi isua todukokinae nabo arwatata, ido abu arwatata daadaŋ kiryam alokwap, alokidiama todol natutubet apei ŋina ka aoyau keŋ, anerae ayakatar ŋituŋa atametait ŋinakitiyaet.

Yob 10:21

eriŋa nyeloto neni nyaboŋunio nabo, nakwap ŋina ka akiyaloloŋ ka ŋina eyai akiryonut ŋinakiryonon cuc,

Yob 10:22

nakwap ŋina ka akiyaloloŋ ka ŋina eyai egurigur, neni emam akica, neni erae akiryonut bon ileleba.”

Yob 21:13

Iboiyete ŋirwa ŋulu ka akiyar kec erae ŋulu elakara, ido totiyaaros tooma nakibois a ŋikatwak emam ŋican aryamunito.

Ŋikiru. 6:5

anerae emam ituŋanan ikitamuni iyoŋ kedau atwanare. Ŋae epedori akipuro iyoŋ anakibois a ŋikatwak?

Ŋakit. 3:28

Nyilimok ikidunyet kon ebe, “Ape mono, ido toboŋu ekaku, akainakini ayoŋ iyoŋ moi taparacu ibore ŋini ilipa iyoŋ.” Nai toyakar bo iyoŋ ibore ŋin apaki ŋinapei ŋin.

Ekal. 11:3

Ani eruwor edou ŋakipi bon, ebukun ŋakipi ŋun kwap erae akiru. Ewae daadaŋ ŋolo imasar ekitoe, kerae lowae ŋolo alo Kwap, kori ŋolo alo Kuju, neni daadaŋ eukokin iŋes, eperi a nen.

Ekal. 11:6

Kita ŋikinyom kon taparacu, ido nyijamak akitare ŋikinyom kon tari ŋisaae ŋulu ka ataboŋo, anerae nyiyeni iyoŋ atemar a lu elomunete ejok tokoko ejok, kerae ŋulu ka taparacu, kori ŋulu ka ataboŋo, kori elomunete daadaŋ ejok tokoko ejok ikwaan.

Isa. 38:10

Abu ayoŋ otema, “Atamak ayoŋ atemar anapakio aŋuna ka asoroko kaŋ, emaikina ayoŋ oŋopiya; adaun ayoŋ akipotokin nakibois a ŋikatwak, ŋirwa ŋulu ka akiyar kaŋ daadaŋ.”

Yer. 29:13

Ani kikiwara iyes ayoŋ, ikiryamunete iyes ayoŋ, ani kikiwara iyes ayoŋ a ŋitai kus a daadaŋ,

Ekim. 13:30

Nai kisililiŋ Kaleb ŋituŋa alokiŋaren Moses tema, “Oloto atipei ekamasi akwap ŋin toruwor ŋina yok, anerae ikipedori iwon akiloun ŋituŋa ŋul.”

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Yoa. 4:34

Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.

Yoa. 5:4

anerae ŋicesaae abuneene emalaika ŋolo ke Ekapolon nabwal akicakulakin ŋakipi. Ituŋanan ŋini esyauni alomar nakipi icakulakini emalaika, aŋaleuni iŋes alodeke a daadaŋ a ŋolo adyaka iŋes.]

Yoa. 9:4

Itemokino iwon etiyata ŋiticisyo ŋulu a ŋolo ekeyakuunit ayoŋ eriŋa erae apaaran; ebunit akiryonut ŋina ka akuwar, ŋina nyepedorya idiotuŋanan akitiya.

Ŋirom. 12:11

Kitiyata ka agogoŋu ka nyikalanyaka. Kitiyata etic ke Ekapolon a ŋitai a ŋulu einakina kire.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 16:10

Ani kebu Timoteo neni kus, kijautu iŋes ejok, ikotere nyekuryana iŋes irukito ka iyes; anerae itiyae iŋes etic ŋolo ke Ekapolon ikwa ayoŋ.

1 Ŋikor. 9:24

Iyenete iyes kire atemar anakerit, elalak ŋituŋa ŋulu isyakinete akerit, nai ipei bon eryamuni eropit. Aŋun, tokera nai lopite ŋolo ipedoryata aryamun eropit.

1 Ŋikor. 9:26

Iŋes nai akeria ayoŋ ocorosi tari naŋetakinet; ikikwaan ayoŋ ka ekanaŋan egum ŋolo nyedyaki ŋoloce.

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Ŋikol. 3:23

Ibore ŋini itiyaete iyes daadaŋ, kitiyata ka agogoŋu kus a daadaŋ esibit itiyaete ŋuna ke Ekapolon, meere ŋuna a ŋituŋa;

1 Sam. 10:7

Ani nai etakanunete ŋakiro ŋun neni kon, kitiya ŋuna ikilimokini iyoŋ Akuj akitiya, anerae eyai Akuj kaapei ka iyoŋ.