Ekal. 9:1 - Ebaibul

¹ Abu ayoŋ otamatama ŋakiro ŋun daadaŋ, ido abu oyenu atemar napedor ŋina ka Akuj iŋes eyakasi ŋulu iyookino ka ŋikaosok ta ŋuna itiyaete ikes, nai mam ituŋanan eyeni kerae amina ebuni neni keŋ; kori ŋiman epote neni keŋ.

Ekal. 9:1 Iomraidhean Croise

Yob 12:10

Napedor ŋina ka Akuj iŋes eyai akiyar a ŋinibore a daadaŋ a ŋini eyari ka ekieŋanu ŋolo eyaryata ŋituŋa daadaŋ, erae neni ka Akuj ebunitor.

Yob 27:12

Iŋolikis iyes daadaŋ ŋakiro ŋun; kaanukiro nai iruworotor iyes daadaŋ ŋulu irworosi ŋakiro ŋuna emam apolou?

Yob 5:8

“Ani kerae torae ayoŋ, kewar Akuj, ido olimok ŋakiro kaŋ.

Ŋikiru. 10:14

Nai ite iyoŋ! Kire iyeni iyoŋ ŋican ka aryeba a ŋituŋa, ido itenit iyoŋ aŋuna ka akiŋarakin, einakina ŋulu epalag neni kon, iyoŋ iŋarakini ŋikokyok a ŋinapaki.

Ŋikiru. 119:109

Tari daŋ kajalit ayoŋ akiyar kaŋ, nyekemuryakinete ayoŋ ŋikisila kon.

Ŋikiru. 31:5

Nakan kon Ekapolon ewuakini ayoŋ etau kaŋ. tolakunae ayoŋ, Ekapolon, irae Akuj ŋina ikinyoma.

Ŋikiru. 73:3

anerae abu ayoŋ orakaan aŋuna a ŋulu eturok, apaki ŋina eŋolikinia ŋulu aronok emam ŋican eryamunito.

Ŋakit. 16:3

Tolimok Ekapolon kisiyook ibore daadaŋ ŋini iye iyoŋ akitiya, iyookinosi daadaŋ ŋuna iye iyoŋ akitiya.

Ekal. 1:17

Abu nai ayoŋ oŋirik ayenun atyeketait ŋina eyai kidiŋ ayenut ka abaŋao, aosou ka akikerepikinit, nai abu ayoŋ oyenu atemar ekwaan ŋun daŋ ka akirisit ekuwuam,

Ekal. 10:14

nabo irworosi ŋibaŋaanotin jik nyililiŋeneete. Mam ituŋanan eyeni ŋakiro ŋuna itiyakin alokiŋaren, ido ŋae epedori alimokin ŋituŋa ŋuna itiyakin ekaku ka akiyar a na?

Ekal. 7:15

Anakwap kaŋ a ŋina erae akoŋinait a na, adau ayoŋ akiŋolikin ibore daadaŋ, eŋolik ayoŋ ŋituŋa ŋulu iyookino etwakete, nai torubakinito ŋice eyarete tari daŋ kitiyaete ikes aronis.

Ekal. 7:25

Abu nai ayoŋ ewuak ŋatameta kaŋ ayenun, aripiripuun ka akiwarun aosou ta ŋaboŋonokineta ŋuna a ŋakiŋiseta kaŋ. Abu daŋ ayoŋ oyenu atemar erae aronis abaŋao ŋimasimas.

Ekal. 8:14

Eyakasi nakwap ŋakiro nu ŋuna itiyao, nai erae ŋakoŋinae, ŋakiro ŋun ikes nu, eyakasi ŋituŋa ŋulu iyookino ŋulu isicanitae lopite ŋolo emaikina kisicanere ŋulu itiyaete ŋuna aronok ka eyakasi ŋituŋa ŋulu aronok ŋulu imaimaitae lopite ŋolo emaikina etiŋitere ŋituŋa ŋulu itiyaete ŋuna ajokak, ŋun daŋ abala ayoŋ erae ŋakoŋinae.

Ekal. 8:16

Ani ekatakini ayoŋ atamatam ayenun ŋuna ka aosou ka akiŋolikin ŋiticisyo ŋulu itiyao anakwap, ayenun ŋuna nyecamitotor ŋituŋa akieŋun tojotoor naparan, kori nakwaare,

Ekal. 8:7

Kire, mam ituŋanan eyeni ŋuna epote alokiŋaren ka mam ituŋanan ikilimokini epite ŋolo itiyakinotor ŋun.

Ekal. 9:6

Apuripuryaar jik amina, akimanit ka arakao ŋuna ayakatar ikes neni a ŋuluce; emam nabo aloboro a daadaŋ a ŋulu etakanunete ŋulu epedorete ikes akimor ka ŋituŋa ŋuluce anakwap a na.

Isa. 26:12

Okoe Ekapolon, ikiinakini iyoŋ isua ekisil, anerae kire, ŋuna daadaŋ etiyae isua, itiya iyoŋ aŋuna kosi.

Yer. 43:6

ŋituŋa ŋulu ikes ŋikilyok, ŋaberu, ŋidwe, ŋidwe a erwosit ŋulupesur ka ŋituŋa daadaŋ ŋulu abu Nebusaradan ekapolokiniton a ŋasigarya a Babilon kimyek ka Gedalia lokoku ka Aikam a ŋolo arae lokoku a Sepan, yaasi tari ekadwaran Yeremia ka Baruk lokoku a Neria.

Ŋikis. 33:3

Okoe iyoŋ ŋolo ikiminasi ŋituŋa daadaŋ, iyoki iyoŋ ŋituŋa daadaŋ ŋulu asegak, ilipete ikes neni kon, iwuapito ikes ŋakiro ŋuna ilimokini iyoŋ ikes.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.