Ekal. 8:11 - Ebaibul

¹¹ Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Ekal. 8:11 Iomraidhean Croise

2 Sam. 11:15

Ŋakiro egirit Daudi nabaruwa ikes nu ebe, “Kiyakiya Uria min kiŋaren neni ededeŋia ekiryam alojie, ani elosi iŋes nen, kikutukutoosi iyes kimyekis iŋes bon, ikotere eremyo toarae.”

Yob 24:23

Einanakini Akuj ikes akiboi emam ŋace, ido iŋarakinitae ikes; nai ite Akuj ŋuna itiyaete ikes.

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 10:6

Etamete ikes alotai kec ebe, “Mam ŋakiro ikiteryaŋakinete; ikirubakini ikilakara ananyameta kec a daadaŋ, mam ŋican ikiryamuni.”

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Awos. 8:15

Nai ani eanyuni Parao atemar eeŋa iŋes alocan a ŋul, abu kitogogoŋ akou keŋ; nyepupok ŋakiro ŋuna erworosi Moses ka Aron ka abu kitiya lopite ŋolo sek alimunitor Ekapolon.

Awos. 8:32

Nai abu Parao apaki daŋ ŋin kitogogoŋ akou keŋ, nyecamak Ŋisirael toloto.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Yer. 42:15

kiirasi nai ŋakiro a Ekapolon okoe iyes ŋipiya a Ŋiyudayan; alimu Ekapolon ŋolo a ŋajoresyo Akuj a Ŋisirael ebe, ‘Ani kire kimuketo iyes alosit Ijipit ka akiboi a ina,

Yer. 48:11

“Ŋinapei anasorokanu kec eboiyete ŋituŋa a Moab emam ŋace, eboiyete ikes a ekisil lopite ŋolo esipor epiini anamoti, epiini ŋolo ŋilocokin anibore a ipei neni a ŋinice, mam tari nyerikoro ŋituŋa a Moab nakwap ace, aŋun ikwaan ikes ka epiini ŋolo nyemunaara abobou keŋ ka nyemunaara eure keŋ.”