Ekal. 7:25 - Ebaibul

²⁵ Abu nai ayoŋ ewuak ŋatameta kaŋ ayenun, aripiripuun ka akiwarun aosou ta ŋaboŋonokineta ŋuna a ŋakiŋiseta kaŋ. Abu daŋ ayoŋ oyenu atemar erae aronis abaŋao ŋimasimas.

Ekal. 7:25 Iomraidhean Croise

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

2 Sam. 13:12

Toboŋok Tamar iŋes tema, “Mam, lokaapa, nyikireik ayoŋ akiryamakin ka iyoŋ, anerae mam ituŋanan itiyae ŋakiro ŋuna ikote ŋun alo Isirael; nyitiya ŋakiro ŋun, erae akapil.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Ŋakit. 26:11

Lopite ŋolo eboŋonokinio iiŋok akinyam ŋalyakan keŋ, eboŋonokini ibaŋaanot daŋ akitiya abaŋao keŋ.

Ekal. 10:13

Isyakinete ŋibaŋaanotin erwor ŋakiro ŋuna ka abaŋao, ido ekaku kirworo aronis ka ŋimasimas;

Ekal. 2:12

Aŋun abu ayoŋ ogeu atamatam atemar nyo mono apolou a aosou, a ŋimasimas ka abaŋao? Eya mono tokona ŋace ŋuna epedori ŋini elunyokin lokicoloŋ a erwosit aruwor ekepukan akitiya akilo ŋuna sek ekiŋaren itiyatae a?

Ekal. 2:15

Abu nai ayoŋ otam bon otema, “Ŋuna itiyasi neni a ebaŋaanot, epedorete akitiyakin neni kaŋ daŋ; nyo nai aryamuni ayoŋ anaraakau ŋolo aos?” Abu ayoŋ otamak atemar erae ŋun daŋ ŋakoŋinae.

Ekal. 2:20

Aŋun, abu ayoŋ ogeu akiyaloloŋ aŋuna ka akiyar kaŋ, anerae abu ayoŋ edaŋakin loticisyo daadaŋ ŋulu abu ayoŋ etiya ka agogoŋu ka anakwap a na.

Ekal. 7:27

Abala Ekalimonokinan ebe, “Kiirasi, ŋakiro ŋuna adau ayoŋ aryamun ikes nu: Ejok akimorikin ibore ipei neni a ŋinice, ido toryamu ekimar kec daadaŋ.

Yos. 7:13

Tonyou, kitaleu ŋituŋa. Tolimok ikes ebe, ‘Kitesegunos aŋuna a moi taparacu, anerae ebala Ekapolon ŋolo erae Akuj a Ŋisirael ebe, eyakasi ŋiboro ŋulu icenen neni kus Ŋisirael, nyiwoikinete iyes ŋimoe kus mati jik kilemasi iyes aneni kus ŋiboro ŋulu ikicikitae iyes atemar nyilemasi.’