Ekal. 7:24 - Ebaibul

²⁴ Alipite epedorya ituŋanan ayenun ibore ŋini erae akiyar. Erae akiyar ibore ŋini iduloro ŋini nyepatana aŋuna yok, erae ibore ŋini egogoŋ nooi ŋini nyepatana iwon ayenun.

Ekal. 7:24 Iomraidhean Croise

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Ŋikiru. 139:6

Aosou ŋina ikoni ŋin, erae ŋina ka aumokin aneni kaŋ; epol nooi, nyapedori ayoŋ aryamun.

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ekal. 8:17

abu ayoŋ a ŋinapaki oyenu atemar Akuj iŋes adau atubun atemar nyemaikina ŋituŋa toyenut ŋuna itiyasi anakwap a na. Tari daŋ kikatakis ŋituŋa akitiya ka agogoŋu ayenun ŋuna itiyasi, nyepedorete ayenun. Tari daŋ kebasi ŋikaosok ikiyeni ŋuna itiyasi, nyepedorito ayenun.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.