Ekal. 6:8 - Ebaibul

⁸ Nyo mono tokona ejokyata ŋulu aosok akilo ŋulu ebaŋaaka? Anijokis eryamunete ŋikulyak anayenun atemar epite ŋolo emaikina kilipununeere ibore ŋiniyaret iŋes akilipa anapatanu?

Ekal. 6:8 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Ŋikiru. 101:2

Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋikiru. 116:9

ikotere ayoŋ alosi alokiŋaren kon anakwap a ŋituŋa a ŋulu eyarete.

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Ekal. 5:11

Ani iatakin ibore ŋininyamat, iatakin ŋikanyamak daŋ. Nyo nai eryamuni ituŋanan ŋini eyakar ibore ŋininyamat ŋin? Mam ipei daŋ mati akitere ŋituŋa imujete ebari keŋ.

Ekal. 6:9

Ejok akiŋolikin ibore akilo akisirimit ŋatameta alokibure. Erae ŋun daŋ ŋakoŋinae ka erae akirisit ekuwuam.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.