Ekal. 6:2 - Ebaibul

² Einanakini ŋituŋa ebari ŋiboro ka apolou, ikotere ŋituŋa nyicanakinosi ibore ŋini iburit ikes alotai kec, nai nyecamakinit Akuj ikes kileilyaa ŋun analakara, ido epedori igelaanot akileile ŋul daadaŋ. Erae ŋun ŋakoŋinae ka erae ŋuna eyaunito aronis.

Ekal. 6:2 Iomraidhean Croise

1 Ŋirw. 3:13

Akainakini ayoŋ iyoŋ tari ibore ŋini nyiŋita iyoŋ ayoŋ, ikes lu: Ebari ka apolou ŋirwa daadaŋ ŋulu ka kiyar kon; mam erwosit isikwaanio ka iyoŋ.

1 Ŋakiro a ŋirwa 29:25

Abu Ekapolon kitopoloo Solomon nooi alokiŋaren Ŋisirael daadaŋ, inak iŋes apolou ŋina ailiilon, ŋina emam ekiŋaren erwosit alo Isirael ayakar.

1 Ŋakiro a ŋirwa 29:28

Abu iŋes totwana emojoŋit nooi ka ebarit, torae ŋolo etopolooritae; ido abu Solomon lokoku keŋ kilunyokin lokicoloŋ keŋ ikwapei erwosit.

2 Ŋakiro a ŋirwa 1:11

Toboŋok Akuj Solomon tema, “Aŋuna eraakar acamit ke etau kon ŋin, ido nyiŋita iyoŋ ayoŋ ŋiboro ŋulu alalak, ebari, kori apolou, nyiŋita daŋ atemar tomunyarae ŋimoe kon, nabo daŋ nyiŋita iyoŋ ayoŋ ainakin iyoŋ akiyar ŋina aoyan, nai iŋita iyoŋ aosou ka ayenut, ikotere ipukae ŋituŋa kaŋ ŋulu adau ayoŋ ainakin iyoŋ toruwor erwosit kec,

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 73:7

Ebukunun aronis alotai kec, eyeete ikes a ŋinapaki akitiya ŋuna aronok.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 5:13

Adau ayoŋ akiŋolikin anakwap a na aronis eyai nakwap: Iŋadaete ŋituŋa ebari kec akitodol apaki ŋina emunaarya ebari ŋol ikes,

Ekal. 5:16

Erae nu daŋ ŋuna eyaunito aronis: Lopite ŋolopei elomuniata ŋituŋa anakookyes atatoto kec, elomarete daŋ ikes anakwap a na. Nyo nai erae eropit ŋolo eryamunete ikes anaŋirikinit etic ŋolo erae akirisit ekuwuam?

Ekal. 5:18

Erae nu ŋuna eŋolik ayoŋ erae ŋuna ejokak: Ŋuna ejok ŋinituŋanan akitiya iŋes akimuj ka akimat, ikotere iruwor ŋini ilakara alotic a daadaŋ a ŋolo itiyae iyoŋ anakwap a na alorwa a ŋulu ekudyoko a ŋulu ikiinakinit Akuj iwon, anerae erae ŋin ainakinet ŋina ikiinakinitae iwon.

Ekal. 5:19

Ikwaŋinapei, ŋituŋa daadaŋ ŋulu ainaki Akuj ebari ka ŋiboro ŋice daŋ, ŋituŋa ŋulu ainakin alakara anakimuj ebari ŋol, emaikina ŋituŋa ŋul elakara, ido kileilyaa ibore daadaŋ ŋini adaut ikes aryamun aŋuna a ŋiticisyo kec. Erae ebari ŋol ainakinet aneni ka Akuj.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Aum. 5:2

Aruwor akwap kosi ŋina a ŋigelaanotin, aruwor ŋirerya kosi ŋulu a ŋituŋa a ŋakwapin a ŋace.

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Osea 7:9

ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 28:43

Erubakini apolou a ŋigelaanotin a ŋulu iboiyete ka iyes iata, ido irubakinete iyes irae ŋulu ikinyakio anapolou.

Ŋikat. 18:10

Ani ilosete iyes iryamunete iyes ŋituŋa ŋulu emam ŋini imanatar. Elal akwap ŋin, kire adau Akuj ainakin akwap ŋin napedor kus, erae akibois ŋina eyai ibore daadaŋ ŋini iitanit ituŋanan anakwap.”