Ekal. 6:12 - Ebaibul

¹² Ŋae ituŋanan eyeni ŋuna ejokak aŋuna a ŋituŋa anakwap a ŋina euruwuana torae akoŋinait a na? Ikwaan akiyar na ka etorube ŋolo epatana aŋopiyar. Alipite epedoryata ŋituŋa ayenun ŋuna itiyakin nakwap na kedaut ikes anyoun anakwap a na?

Ekal. 6:12 Iomraidhean Croise

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

Yob 14:2

Euruunio ituŋanan ibus ikoni aturot, ido toiniya ikwa aturot, ekeri akiyar a ituŋanan ikwa etolim, ido nyerubakini eyari.

Yob 14:21

Eryamununete ŋidwe a ŋikatwak a ŋul apolou, nai nyeyenete ŋikauruunak kec ŋun; tari kelemar ŋidwe ŋul anapolou, nyeyenete ŋikauruunak kec ŋun.

Yob 8:9

anerae ikiya iwon tokona ikipolok, nai eriŋa ikidisyak, ido emam ŋuna ikiyeni ejok, ikwaan ŋirwa yok anakwap ka etolim.

Ŋikiru. 102:11

Ekwaanikin ŋirwa kaŋ ke etolim a ibore edoiyori akoloŋ; ainiya ayoŋ ikwa ŋinya.

Ŋikiru. 109:23

Apuripuryaar ayoŋ ikwa etolim edoiyori akoloŋ; akakuta ayoŋ ekuwuam ikwa abeere.

Ŋikiru. 144:4

Ikwaan ŋituŋa ka ekieŋanu; ikwaan ŋirwa kec ka aribo ŋina eŋopiyari atipei.

Ŋikiru. 16:5

Iyoŋ bon Ekapolon ayakar ayoŋ, iyoŋ ikiinanakini ayoŋ ibore daadaŋ ŋini acamit; nakan kon eyai akiyar kaŋ.

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 47:4

Abu iŋes toseu akwap ŋina eruwor ŋina yok, akwap ŋina ikijoikini iwon Ŋisirael ŋulu ikirae ŋituŋa keŋ.

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Ekal. 10:14

nabo irworosi ŋibaŋaanotin jik nyililiŋeneete. Mam ituŋanan eyeni ŋakiro ŋuna itiyakin alokiŋaren, ido ŋae epedori alimokin ŋituŋa ŋuna itiyakin ekaku ka akiyar a na?

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Ekal. 2:3

Abu ayoŋ ekatak aryamun alakara anakimat epiini ka ainakin naboŋao, nai ariŋa ŋatameta kaŋ eketenito ayoŋ alotooma aosou. Atamakinit ayoŋ atemar erae ŋol epite ŋolo ajokan nooi ŋolo epedoryata ŋituŋa akiboiyo anakwap a na alotooma ŋirwa ŋulu ka akiyar kec ŋulu euruwuaka.

Ekal. 3:22

Aŋun abu ayoŋ oyenu atemar mam ibore itojokito ŋituŋa alemar aryamun alelyanu aŋuna a etic kon a ilope, anerae erae alelyanu ŋin ainakinet keŋ, ŋae epedori akiteyarun ituŋanan ketwana, kisiŋolik ŋuna eponito alokiŋaren?

Ekal. 6:11

Ani kitooya iyoŋ erwor, eruwor ŋakiro ŋuna irworo iyoŋ ŋakoŋinae, anijokis nai eryamuni ituŋanan ŋini irworo anakiro a ŋun?

Ekal. 7:15

Anakwap kaŋ a ŋina erae akoŋinait a na, adau ayoŋ akiŋolikin ibore daadaŋ, eŋolik ayoŋ ŋituŋa ŋulu iyookino etwakete, nai torubakinito ŋice eyarete tari daŋ kitiyaete ikes aronis.

Ekal. 8:13

Nai nyejoketa ŋakiro aneni a ŋulu aronok, nyepedorete ikes tari akiyatakin ŋirwa ŋulu ka akiyar kec lopite ŋolo epedorya etolim aoyaar. Erae ŋun aŋuna nyitopolooritotor ikes Akuj.

Ekal. 8:7

Kire, mam ituŋanan eyeni ŋuna epote alokiŋaren ka mam ituŋanan ikilimokini epite ŋolo itiyakinotor ŋun.

Ekal. 9:6

Apuripuryaar jik amina, akimanit ka arakao ŋuna ayakatar ikes neni a ŋuluce; emam nabo aloboro a daadaŋ a ŋulu etakanunete ŋulu epedorete ikes akimor ka ŋituŋa ŋuluce anakwap a na.

Ekal. 9:9

Emaikina ŋinituŋanan elelyani anakwap keŋ kaapei ka aberu keŋ ŋirwa ŋulu erae ŋikoŋinae lu daadaŋ ŋulu adau Akuj ainakin ŋituŋa akiboiyo anakwap a na.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.