Ekal. 5:7 - Ebaibul

⁷ Ani elalak ŋakirujaeta elalaketa ŋakiro ŋuna ŋakoŋinae; nai emaikina kitopoloorite Akuj.

Ekal. 5:7 Iomraidhean Croise

Ŋakit. 23:17

Kiurya nyiburakis etau kon ŋuna itiyaete ŋikasecak, nai torubak a ŋinapaki itopoloorit Ekapolon.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 3:14

Ayeni ayoŋ atemar ŋuna daadaŋ itiyae Akuj, erubakinete ŋikaru ka ŋikaru; mam ibore iyatakino nen, kori mam ŋini elemaryo a nen; etiya Akuj ŋun, ikotere ŋituŋa daadaŋ itopoloorete Akuj;

Ekal. 3:16

Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

Ekal. 5:3

Ani kiumonok iyoŋ ŋakiro ŋuna alalak, epatana iyoŋ akiruja ŋakiro ŋuna aronok ka ani kirwor iyoŋ apaki ŋina aoyan, epatana iyoŋ akirworo ŋakiro ŋuna emam apolou.

Ekal. 7:18

Nyiryamu idio a ŋul ŋini epol adepar. Epedorete ŋituŋa ŋulu itopoloorito Akuj akiŋer aryamun idio a ŋul ŋini epol adepar.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Ekal. 8:13

Nai nyejoketa ŋakiro aneni a ŋulu aronok, nyepedorete ikes tari akiyatakin ŋirwa ŋulu ka akiyar kec lopite ŋolo epedorya etolim aoyaar. Erae ŋun aŋuna nyitopolooritotor ikes Akuj.

Ekal. 8:9

Abu ayoŋ oyenu ŋun daadaŋ apaki ŋina atamya ayoŋ aŋuna ibore a daadaŋ a ŋini itiyao anakwap a na a ŋina eyakatar ŋituŋa ŋice ŋapedorosyo, ido isitiyaete ikes ŋapedorosyo ŋun aŋuna ka akiteryamunia ŋituŋa ŋuluce ŋican.”

Mat. 12:36

“Akalimokini ayoŋ iyes atemar, Akoloŋit ŋina ka atubokino itatamuni ŋinituŋanan ŋakiro daadaŋ ŋuna kelimunit iŋes, ŋuna pa kitemokino iŋes tolimu.