Ekal. 5:17 - Ebaibul

¹⁷ Nabo daŋ alorwa a daadaŋ a ŋulu eyariata ŋituŋa, imujete ŋituŋa pa eyenete ibore idio, eyakatar akadakinit ŋina apolon, eyakatar ŋidekesyo ka anyunyura.

Ekal. 5:17 Iomraidhean Croise

Akisy. 3:17

Tolimok Akuj ekile tema, “Aŋuna ibunio iyoŋ kiira ŋakiro a aberu kon ka idau akinyam arait a ekitoe a ŋolo ekecikit ayoŋ iyoŋ atemar nyinyam arait keŋ; eryamunete ŋalup ŋilam aŋuna kon; iryamuni tokona iyoŋ akimuj analup anabukor ŋakinyinyir ŋirwa daadaŋ ŋulu ka akiyar kon.

1 Ŋirw. 17:12

Nai toboŋok aberu ŋin tema, “Ikwapei eyarya Ekapolon Akuj kon, mam ayoŋ amugati epot, ŋakirya ŋadi bon eya ayoŋ locwee ka akimyet adio cici eyai namot. Ekeyeni tokona ayoŋ ŋakito ŋadi a ne, ikotere oboŋo lore epou ŋun aŋuna kaŋ ka aŋuna lokoku kaŋ, emuja ani ekaku eriyaros.”

2 Ŋirw. 1:2

Abu erwosit Aasia ŋolo a Isirael tocakun alogoropa keŋ alo Samaria towana nooi, ido eperi. Aŋun kiyakiya iŋes ŋituŋa tolimok ikes tema, “Toloto neni a Baalsebub a ŋina erae akuj a Ŋipilistin, a ŋina eyai lotaun Ekiron, tosodo kiŋita iŋes erae kapedori ayoŋ aŋaleun, kori mam.”

2 Ŋirw. 1:6

Toboŋokis ikes temasi, “Ikipotu isua eryama ka ekile ŋolo ikilimokini isua aboŋun alimokin iyoŋ atemar, ebala Ekapolon, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a? Nyiŋaleuni iyoŋ anaryeba kon; itwani jik iyoŋ!’”

2 Ŋirw. 5:27

Aŋun, ikitapakin tokona iyoŋ atapon a Naaman; etapakin daŋ loletok kon ŋikaru ka ŋikaru.” Abu Geasi torotoki ekwaŋ akuwan keŋ kia, ileleba atapon.

Yob 21:25

etwakeneneete ŋice eyakatar ŋican ŋulu apipilak anakiyar kec, emam alakara apotu toryamut anakiyar kec a daadaŋ.

Ŋikiru. 102:9

Anyami tokona ayoŋ ekuron ikwapei akimuj, ido emoriyanari ŋakiyo ka ibore ŋini amasi,

Ŋikiru. 127:2

Ecaryono anyounun taparacu sek ka alosenen akiper kedil akuwar, itiyae aŋuna ka akimuj, anerae einanakini Ekapolon ŋulu emina iŋes ŋuna iitanito tari apaki ŋina ejotooto.

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 78:33

Aŋun, abu Akuj kitasalu ŋirwa kec tojoŋoi atamunit, ido yau ŋinyas alorwa a ŋulu ka akiyar kec.

Ekal. 2:10

Ibore daadaŋ ŋini eburit ŋakonyen kaŋ kiŋolikis, abu ayoŋ nyaŋer akiŋolikin, abu ayoŋ nyemik etau kaŋ ŋinalakara daadaŋ, anerae abu ayoŋ oryamu alotau kaŋ alakara alotooma daadaŋ ŋuna aŋirikinit akitiya, ido arae ŋun eropit aŋuna a ŋiticisyo kaŋ a daadaŋ.

Ekal. 2:23

Eyai aryebo ka akiyaloloŋ lorwa daadaŋ ŋulu eyaria ituŋanan; nyieŋununeete ŋatameta keŋ tari nakwaare. Erae ŋun daŋ ŋakoŋinae.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Ekal. 7:14

Ani ejok ibore daadaŋ aŋuna kus, emaikina iyes ilakara, nai ani epote ŋican, emaikina iyes totamut, Akuj iŋes eyaununui apaki ŋina ka alakara ka ŋina a ŋican. Aŋun, nyepedorete ŋisubuna ŋulu eyarete ayenun ibore idio ŋini itiyakin neni kec ekaku.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.