Ekal. 5:16 - Ebaibul

¹⁶ Erae nu daŋ ŋuna eyaunito aronis: Lopite ŋolopei elomuniata ŋituŋa anakookyes atatoto kec, elomarete daŋ ikes anakwap a na. Nyo nai erae eropit ŋolo eryamunete ikes anaŋirikinit etic ŋolo erae akirisit ekuwuam?

Ekal. 5:16 Iomraidhean Croise

Ŋakit. 11:29

Ituŋanan ŋini eaununui ŋican lotuŋa a ekal keŋ, edaun ibore eruwor ŋini keŋ ekaku, ido eruwor ŋibaŋaanotin ŋiketiyak a ŋikaosok.

Ekal. 1:3

Nyo eryamunete ŋituŋa aloticisyo a daadaŋ a ŋulu itiyaete ikes anakwap kec a na?

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 3:9

Nyo mono ikiryamuni iwon aloticisyo yok a daadaŋ?

Ekal. 5:13

Adau ayoŋ akiŋolikin anakwap a na aronis eyai nakwap: Iŋadaete ŋituŋa ebari kec akitodol apaki ŋina emunaarya ebari ŋol ikes,

Isa. 26:18

Aponi isua kibelibeloi ka toryebakinetei, nai mam ibore aponi isua kidounoe. Nyerauna isua ŋikelounak alojie a edio ka mam ituŋanan idounitoe erae ŋini ka akwap.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Mar. 8:36

Alipoida eryamuni ituŋanan erae keŋata akwap daadaŋ, ido kitotwaniya akeekiyar?

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

1 Ŋikor. 16:16

topupo ŋikilyok ŋulu ikote ŋul ka ŋulu itiyaete ka ikes.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.