Ekal. 5:13 - Ebaibul

¹³ Adau ayoŋ akiŋolikin anakwap a na aronis eyai nakwap: Iŋadaete ŋituŋa ebari kec akitodol apaki ŋina emunaarya ebari ŋol ikes,

Ekal. 5:13 Iomraidhean Croise

Akisy. 14:16

Kinyaku Aburam ŋiboro daadaŋ ŋulu aŋatarito ŋimoe, kinyaku tari Lot lokoku alokaato keŋ ka ŋiboro keŋ ka ŋaberu ta ŋituŋa ŋuluce daŋ.

Akisy. 19:14

Toloma Lot alokai keŋ tolot tolimok ŋikilyok ŋulu eikinitae akiit ŋidwe keŋ tema, “Tonyoutu, olomasi anakibois a na; anerae eapi Akuj akinyasun etaun lo.” Nai totakan aneni a ŋikilyok a ŋul esibit pa emukekinit Lot ŋuna erworo.

Akisy. 19:26

Nai kebu aberu a Lot emotuno alokaku Lot kiŋolia kaku, ido toruwor acumbi, kidoŋ esipo nen.

Yob 20:20

“Pa ayenete ikes akiboi ekililiŋat pa imujito, anaroroko kec, amam ibore apedori abucar aneni kec.

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Ŋakit. 1:32

anerae etwakete ŋibaŋaanotin aŋuna ka abaŋao kec. Emunyanarete ŋimasimas ŋituŋa ŋulu nyeyenete epite ŋolo iuryarotor make.

Ŋakit. 11:4

Emam ajokis itiyakini ebari neni kon akoloŋit ŋina itwania iyoŋ, nai ikilakuni iyoŋ anatwanare akiyookino.

Ŋakit. 23:4

Nyituupa bon aŋirikinit akiburuburakin aryamun ebari, toyakatar aosou ŋina itoodiunit atemar ititinyikinit iyoŋ.

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 5:14

ido toŋopiya ebari ŋol daadaŋ alopite a ŋolo emam ajokis, todaun ibore eyakatar ŋikabarak ŋul, ido emam ibore irumete ŋidwe a ŋikabarak a ŋul.

Ekal. 8:9

Abu ayoŋ oyenu ŋun daadaŋ apaki ŋina atamya ayoŋ aŋuna ibore a daadaŋ a ŋini itiyao anakwap a na a ŋina eyakatar ŋituŋa ŋice ŋapedorosyo, ido isitiyaete ikes ŋapedorosyo ŋun aŋuna ka akiteryamunia ŋituŋa ŋuluce ŋican.”

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Luk. 16:19

“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ.

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”