Ekal. 4:8 - Ebaibul

⁸ Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 4:8 Iomraidhean Croise

Akisy. 2:18

Tema Ekapolon Akuj, “Nyejok ekile erae iŋes bon eyai. Etiyauni ayoŋ ikeŋarakinan ŋini ejok aneni keŋ.”

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 39:7

“Nai tokona, Okoe Ekapolon, nyo eriŋa ayoŋ edarit? Neni kon iŋes eyai akigenokaŋ.

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:8

Erae ibore daadaŋ ŋini etuupan; ŋini emam ituŋanan erubakini irworo aŋuna a ibore a ŋin. Nyetemanari akoŋu etemokin akitere; kori nyilelebunun ŋakiro ŋuna epupi akit nakit.

Ekal. 2:21

Epedori ituŋanan aŋirikin akitiya etic isitiyae aosou keŋ, ayenut keŋ ka apiiryanut keŋ, nai emaikina iŋes kimyek ibore daadaŋ ŋini adau iŋes akitiyaun toruwor ŋini a ituŋanan a ice a ŋini pa etiyaunit ibore ŋin. Erae ŋun daŋ ŋakoŋinae ka erae aronis ŋina apolon nooi.

Ekal. 2:23

Eyai aryebo ka akiyaloloŋ lorwa daadaŋ ŋulu eyaria ituŋanan; nyieŋununeete ŋatameta keŋ tari nakwaare. Erae ŋun daŋ ŋakoŋinae.

Ekal. 4:7

Abu nabo ayoŋ oyenu ibore ŋini erae ikoŋinait anakwap a na;

Ekal. 5:10

Ituŋanan ŋini emina ŋisiliŋa, nyetemari aryamu ŋisiliŋa ŋulu itemokino, tari ŋini emina ebari, nyeryamuni ibore daadaŋ ŋini ecamit iŋes aryamun.

Ekal. 5:9

Nai ibore ŋini erupuni analup, erae ŋini emaikina ŋituŋa a akibois a ŋin daadaŋ toryamut; erwosit daŋ emaikina eyakar neni itae.

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

1 Yoa. 2:16

Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.