Ekal. 4:14 - Ebaibul

¹⁴ Epedori esorokit ŋolokulyakanot ka toos ŋol alomun alojera toruwor erwosit, tari daŋ sek kidounitoe alotuŋa a apukan keŋ a ŋulu ekulyakaka.

Ekal. 4:14 Iomraidhean Croise

Akisy. 41:14

Aŋun, kiyakiya Parao ŋituŋa anyarare Yosepu, tolemunae Yosepu atipei alojera kiwonyunere. Kedau Yosepu abanyun akou ka akinap ŋilowi ŋice, bu nai kiŋaren a Parao.

2 Ŋirw. 24:12

Abu erwosit Yeoiakin tocamu Nebukadinesar kikama iŋes kaapei ka toto keŋ, ŋiketiyak keŋ, ŋikapolok anapukan keŋ ka ŋulu apolokinito akai ka apukan. Yaarae Yeoiakin erae emabus alokaru a ŋolo a ŋikanikauni ipukat iŋes Yudaya.

2 Ŋirw. 24:6

Abu nai Yeoiakim totwana ikwa atapapaa keŋ. Kilunyokin lokoku keŋ Yeoiakin lokicoloŋ keŋ kipuka Yudaya.

2 Ŋirw. 25:7

Aponi toarae ŋidwe a Sedekia ite elope. Ani ekaku togoronoroe ŋakonyen keŋ toenae iŋes a ŋiriko, yaarae Babilon.

Yob 5:11

itopoloonori iŋes ŋulu itiditeuna bon, einanakini alelyanu neni a ŋulu igworosi.

Ekal. 4:15

Abu ayoŋ eŋolik daadaŋ ŋulu ayakasi nakwap na iwuapakinete esorokit ŋolo abu kilunyokin lokicoloŋ a erwosit kipuka.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Dan. 4:31

Ani eriŋa erwosit irworo, bu etoil alokidiama ebala, “Okoe erwosit Nebukadinesar alimun nu aŋuna kon: Alemar apukan aneni kon.

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.