Ekal. 4:1 - Ebaibul

¹ Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Ekal. 4:1 Iomraidhean Croise

Yob 16:4

Emaikina ayoŋ daŋ erworik ikwapei irworor iyoŋ; ani kerae toyakas iyes lopite ŋolo ayakar ayoŋ, kerwor ayoŋ ŋakiro ŋuna alalak etoropiunit akaremokino iyes, kemuŋumuŋu akou kaŋ aŋuna kus.

Yob 35:9

“Aŋuna etalalata ŋituŋa akisicanit ŋuluce, iŋitasi ikes akiŋarakino toiunere ikes anapedor a ŋikadedeŋak.

Yob 6:29

Totamatamata nabo, ekelipit ayoŋ iyes, nyicamakis ŋuna nyiyookino kitiyakin. Totamatamata tokona, eriŋa akiyookino kaŋ ikoni nenipei sek.

Yob 9:24

Einakinitae akwap napedor a ŋulu aronok, erapi Akuj ŋatameta a ŋikatubok ŋakiro nyepedosi akitub ŋakiro eriyan. Ani pa kerae Akuj itiyae ŋakiro ŋun, ŋae bo ice?

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 142:5

Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

Ŋikiru. 42:3

Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

Ŋikiru. 42:9

Atemari ayoŋ neni ka Akuj a ŋina erae akaiunan kaŋ ebe, “Kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit ŋican anadedeŋu a ŋimoe kaŋ?”

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋikiru. 69:21

Apotu ŋituŋa okoinakis ayoŋ ekitoe ŋolo aaran akilo akimuj, ani akanyami ayoŋ akure, apotu okoinakis epiini ŋolo adadaŋan akimat.

Ŋikiru. 80:5

Iinak iyoŋ ikes akimuj akiyaloloŋ iinak iyoŋ ikes akimat ŋakiyo ŋuna alalak.

Awos. 1:16

“Ani isidounete iyes ŋaberu ŋuna erae Ŋaburaniyae ka kiŋolikis esaa ŋolopei idounio iŋes atemar erae ikoku isapat, emaikina toarae, nai ani kerae ipese, emaikina kimyekis toyar.”

Awos. 1:22

Abu nai Parao kicik ŋituŋa keŋ daadaŋ tema, “Ikoku ŋinisapat daadaŋ ŋini euruunito Ŋiburaniyae, emaikina iyes kimasakis naŋolol Nile, nai kimyekisi ŋulupesur toyara.”

Ŋakit. 19:7

Ani kimanito tari ŋiyeneta a ŋikulyak ŋikulyak, etya nai ai epite ŋolo eŋeritotor tari ŋikonei kec ikes!

Ŋakit. 28:3

Ekepukan ŋolo itoroniyarit ŋikulyakanotin, ikwaan ka akiru ŋina iliiciyari akimuj todaun.

Ŋakit. 29:2

Ani erae ituŋanan ŋini iyookino erae ekapolon, elelyanete ŋituŋa, nai ani erae ituŋanan ŋini aronon erae ekapolon, iyaloloŋete ŋituŋa.

Ekal. 3:16

Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

Ekal. 5:8

Ani kiŋolik anakibois etiŋitae ŋulu a ŋican erono ka emam atubonokin anakiyookino ka akiwuapit ŋuna iyookino, nyiumok aŋuna a ŋakiro a ŋun, anerae ite ŋini epol ŋuna itiyae ŋini nyepol akilo iŋes ka eyai ice ŋini epol akilo ikes.

Ekal. 7:7

Kire jik, kelomakis ŋikaosok amodyanakin ŋuluce, eruwor ŋibaŋaanotin, epedori ituŋanan aruwor icaryoit anaryamun ŋakaluŋuluŋui.

Ekal. 8:9

Abu ayoŋ oyenu ŋun daadaŋ apaki ŋina atamya ayoŋ aŋuna ibore a daadaŋ a ŋini itiyao anakwap a na a ŋina eyakatar ŋituŋa ŋice ŋapedorosyo, ido isitiyaete ikes ŋapedorosyo ŋun aŋuna ka akiteryamunia ŋituŋa ŋuluce ŋican.”

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:17

Ibaanarete ŋituŋa a Sion ŋakan kec, nai mam ituŋanan isirworiuni ikes. Adau Ekapolon alimokin ŋiletok a Yakob atemar eruwor ŋikidunyet kec ŋimoe kec. Aruwor Yerusalem etaun ŋolo esiilyana aneni kec.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Amos 3:9

Kiserakisi ŋulu iboiyete anakais a ŋunajipit a ŋuna alo Acidod ka anakais a ŋunajiet alo Ijipit atemar, Tocunakinos lokamukumukui ŋulu a Samaria, ido kiŋolikis epite ŋolo iŋodiatar ŋituŋa alotaun ka epite ŋolo isicanatar ikes make.”

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 28:48

a ŋakiro a ŋun, ipote iyes akitiyanakin ŋimoe kus ŋulu ebuni Ekapolon ikiyakuun akitijikin iyes, itiyanakinete iyes ikes ikinyamit akoro ka akure, ilerete ka imamukatar ibore idio. Ikisicani iyes Ekapolon tari ŋina ikimunyarya.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Ŋikat. 4:3

Apotu nai Ŋisirael kigworokis Ekapolon iŋitasi akiŋarakino, anerae ayakar Yabin ŋagaari ŋuna etiyaunitae a ŋasuwa ŋuna eritae a ŋaŋolei ŋamiae ŋakanikaomwon, ido abu kisican Ŋisirael neni aronon ya ŋikaru ŋatomoniarei.