Ekal. 3:5 - Ebaibul

⁵ eyai apaki ŋina imasanarere ŋamoru ka eyai apaki ŋina ecunere ŋamoru iwapei; eyai apaki ŋina enuwatar ŋituŋa ka eyai apaki ŋina emaikina kimyekinere anuwa;

Ekal. 3:5 Iomraidhean Croise

2 Ŋirw. 3:25

Kinyasut Ŋisirael ŋitaunio daadaŋ. Ani neni daadaŋ ajok akitare, abu ŋinituŋanan tocakaki nen amoru apei, akitodol ŋina aruworor neni itao ŋamoru bon. Ŋicowae daadaŋ aponi togoloi ka toyeparae ŋikito daadaŋ ŋulu episitae. Neni anyaritae Kiriareses iŋes bon edoŋito ŋarwatatain ŋuna adukitoe a ŋamoru ewuasi akitodol ŋina erikauniata ŋikajiok ŋulu a ŋacutae neni daŋ kinyasut.

Awos. 19:15

Tema Moses neni a ŋituŋa, “Kitemonokinos aŋuna ka akoloŋit a ŋina epeniata ŋirwa ŋiuni; nyemaikina ŋikilyok kiryamakinos ka ŋaberu.”

Ekal. 3:4

eyai apaki ŋina igworore ka eyai apaki ŋina ekyenare; eyai apaki ŋina ka akiyaloloŋ ka eyai apaki ŋina idoŋaere;

Ekal. 3:6

eyai apaki ŋina iwarunere ka eyai apaki ŋina ecakarere; eyai apaki ŋina iyokiyere ejok ka eyai apaki ŋina imasarere nariet;

Yoel 2:16

Tocunakisi ŋituŋa, kitaleutu atukot a ŋituŋa; yautu ŋikasikou iwapei, tocunakisi ŋidwe, tocunakisi tari ŋiŋwea. Emaikina eteran kimyek agule keŋ ka ateran kimyek agule keŋ ŋina iterania.

1 Ŋikor. 7:5

Nyimikasi make ŋawat kus, mati sek icamuna iyes ikoŋina apaki adio, ikotere kisitiyata apaki ŋin akilipya. Nai kiryamunos nabo ikwapei ekile ka aberu ikwaŋinapei sek, ikotere nyikitem Satan iyes, anerae imamukatar iyes akiyapara.

Yos. 10:27

Ani edoiyori akoloŋ, tolimu Yosua atemar tolacunae ŋawat kec tocakakinae naturukan ŋina sek adukitotor ikes. Ani kedaun akitiya ŋun, aponi totukokinae ŋamoru ŋuna apolok lokek a aturukan, eyakasi ŋamoru ŋun nen tari tokona.