Ekal. 3:22 - Ebaibul

²² Aŋun abu ayoŋ oyenu atemar mam ibore itojokito ŋituŋa alemar aryamun alelyanu aŋuna a etic kon a ilope, anerae erae alelyanu ŋin ainakinet keŋ, ŋae epedori akiteyarun ituŋanan ketwana, kisiŋolik ŋuna eponito alokiŋaren?

Ekal. 3:22 Iomraidhean Croise

Yob 14:21

Eryamununete ŋidwe a ŋikatwak a ŋul apolou, nai nyeyenete ŋikauruunak kec ŋun; tari kelemar ŋidwe ŋul anapolou, nyeyenete ŋikauruunak kec ŋun.

Ekal. 10:14

nabo irworosi ŋibaŋaanotin jik nyililiŋeneete. Mam ituŋanan eyeni ŋakiro ŋuna itiyakin alokiŋaren, ido ŋae epedori alimokin ŋituŋa ŋuna itiyakin ekaku ka akiyar a na?

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Ekal. 2:18

Abu etic kaŋ daadaŋ ŋolo etiyat ayoŋ anakwap a na eketilil ayoŋ, anerae abu ayoŋ oyenu atemar emaikina ayoŋ emyek iŋes kitiyata ŋulu epote ekaku kaŋ.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Ekal. 6:12

Ŋae ituŋanan eyeni ŋuna ejokak aŋuna a ŋituŋa anakwap a ŋina euruwuana torae akoŋinait a na? Ikwaan akiyar na ka etorube ŋolo epatana aŋopiyar. Alipite epedoryata ŋituŋa ayenun ŋuna itiyakin nakwap na kedaut ikes anyoun anakwap a na?

Ekal. 7:14

Ani ejok ibore daadaŋ aŋuna kus, emaikina iyes ilakara, nai ani epote ŋican, emaikina iyes totamut, Akuj iŋes eyaununui apaki ŋina ka alakara ka ŋina a ŋican. Aŋun, nyepedorete ŋisubuna ŋulu eyarete ayenun ibore idio ŋini itiyakin neni kec ekaku.

Ekal. 8:15

Aŋun, acamunit ayoŋ atemar ejok alakara anakwap a na, anerae emam ibore ejok ŋituŋa eyakatar anakwap a na akilo akimuj ka akimat, ido torae ŋulu elakara. Einakini nai nen ŋituŋa alelyanu aloticisyo kec ŋirwa daadaŋ ŋulu einakinit Akuj ŋituŋa ayarya anakwap a na.

Ekal. 8:7

Kire, mam ituŋanan eyeni ŋuna epote alokiŋaren ka mam ituŋanan ikilimokini epite ŋolo itiyakinotor ŋun.

Ekal. 9:12

Emam ituŋanan eyeni apaki ŋina eponiata ŋican neni keŋ. Lopite ŋolopei ereikinere ekolya akiriun ka atibait ka ŋolo isurumere ikyeny a atawuatat, ŋituŋa daŋ, ikamaryo apaki ŋina itiyaata aronis, apaki ŋina nyeyenete ikes.

Ekal. 9:6

Apuripuryaar jik amina, akimanit ka arakao ŋuna ayakatar ikes neni a ŋuluce; emam nabo aloboro a daadaŋ a ŋulu etakanunete ŋulu epedorete ikes akimor ka ŋituŋa ŋuluce anakwap a na.

Dan. 12:13

Nai iyoŋ Daniel, torubak irae ŋolo ikinyoma tari nasalunet, tari kitwana daŋ, iyaruni iyoŋ ikotere iryamuni eropit kon akoloŋit ŋina esidyon.”

Mat. 6:34

Nyiyaloloŋete aŋuna a moi taparacu, anerae moi taparacu daŋ eyakar ŋuna keŋ. Kimyekisi ŋinakoloŋit kitemokin ŋican keŋ.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 28:47

“Aŋuna pa itiyanakiniata iyes Ekapolon Akuj kus ka alelyanu ka alakara a ŋitai aŋuna ka ajokis a daadaŋ a ŋina abu iŋes ikiinak iyes,