Ekal. 3:19 - Ebaibul

¹⁹ Ikwaan ŋuna itiyakin neni a ŋituŋa ka ŋuna itiyakin neni a ŋityaŋ, lopite ŋolopei etwakyata ŋituŋa daŋ, etwakete ŋityaŋ daŋ. Kieŋasi ŋituŋa lopite ŋolo ieŋatar ŋityaŋ, mam ibore ejokyata ŋituŋa akilo ŋityaŋ, anerae eruwor ŋul daadaŋ ŋikoŋinae.

Ekal. 3:19 Iomraidhean Croise

2 Sam. 14:14

Kire jik, ikitwaki iwon daadaŋ, ikikoni iwon ŋakipi ŋuna ebukokinio nalup, ŋuna emam ituŋanan eokuni nabo. Nyikirikiranari Akuj alemar akiyar a ituŋanan, nai eye Akuj ŋirotin ŋulu eboŋunio neni keŋ ituŋanan ŋini eluŋakina aneni keŋ.

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 49:12

Nai tari kebarit ituŋanan ikwa ai, nyiboi ŋikaru ka ŋikaru; etwani iŋes lopite ŋolopei etwakyata ŋityaŋ.

Ŋikiru. 49:13

Ŋakiro ŋun ikes eryamunete ŋituŋa ŋulu ikinyoma make ka ŋulu enupito ŋakiro ŋuna irworosi ŋituŋa ŋul.

Ŋikiru. 49:20

Nyiboi ituŋanan ŋikaru ka ŋikaru, etwani iŋes lopite ŋolopei etwakyata ŋityaŋ.

Ekal. 1:14

Abu ayoŋ eŋolik ŋiticisyo daadaŋ ŋulu itiyao anakwap a na, oyenu atemar, erae ibore daadaŋ ikoŋinait, erae ibore ŋin daadaŋ akirisit ekuwuam.

Ekal. 1:17

Abu nai ayoŋ oŋirik ayenun atyeketait ŋina eyai kidiŋ ayenut ka abaŋao, aosou ka akikerepikinit, nai abu ayoŋ oyenu atemar ekwaan ŋun daŋ ka akirisit ekuwuam,

Ekal. 2:14

Epedorete ŋikaosok akiŋolikin neni elosete ikes, nai nyepedorete ŋibaŋaanotin akiŋolikin neni elosete ikes. Nai abu ayoŋ otamak atemar eryamunete ŋikaosok ka ŋibaŋaanotin ŋican kaapei.

Ekal. 2:16

Erae ŋun aŋuna nyerubakinere jik etamunitae ekaoson, kori imuryakin ŋuluarei ŋul daadaŋ. Lopite ŋolopei etwania ebaŋaanot, etwani ekaoson daŋ.

Ekal. 7:2

Ejok alosit kai ŋina igworore akilo alosit kai ŋina itiyaere ŋasuban, anerae erae atwanare ŋina a ŋituŋa a daadaŋ emaikina ŋituŋa ŋulu eriŋa eyarete kirica ŋakiro ŋun alotai kec.

Ekal. 9:12

Emam ituŋanan eyeni apaki ŋina eponiata ŋican neni keŋ. Lopite ŋolopei ereikinere ekolya akiriun ka atibait ka ŋolo isurumere ikyeny a atawuatat, ŋituŋa daŋ, ikamaryo apaki ŋina itiyaata aronis, apaki ŋina nyeyenete ikes.

Ekal. 9:2

Etakanununete ŋuna aronok neni a daadaŋ: Neni a ŋulu iyookino ka neni a ŋulu nyiyookino, neni a ŋulu ajokak, neni a ŋulu aronok, neni a ŋulu nyitoroniyaritae ka neni a ŋulu itoroniyaritae neni a ŋulu eayeneneete ŋamuronisya ka neni a ŋulu nyeayeneneete ŋamuronisya ŋuna etakanikinete neni a ŋituŋa a ŋulu ajokak, etakanununete neni a ŋikasecak daŋ; ŋuna etakanunete neni a ŋulu ikoŋeneneete, etakanununete neni a ŋulu ekerito akikoŋ.

Ekim. 16:29

Ani ketwaka ŋikilyok ŋul aŋuna ka amojoŋu, iŋes atemar meere Ekapolon ekeyakit ayoŋ.