Ekal. 3:11 - Ebaibul

¹¹ Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 3:11 Iomraidhean Croise

Akisy. 1:31

Toanyu Akuj ibore daadaŋ ŋini abu iŋes tosub, toryamu kire ejokak nooi. Toyakaun ataboŋ ka toyakaun ataparacu, arae ŋin akoloŋit ŋina a ŋakanikapei.

Yob 11:7

“Ipedori mono iyoŋ aripirip ŋakiro ka Akuj ŋuna ipiyorito ŋituŋa daadaŋ a? Ipedori iyoŋ ayenun ŋakiro a ŋina etiron ŋuna nyepedorit aosou a ituŋanan akidol a?

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋakit. 16:4

Itiyaunit Ekapolon ibore daadaŋ aŋuna ka akisitiya aŋuna keŋ, itiyaunit Ekapolon tari ŋulu aronok aŋuna ka akoloŋit a ŋina a ŋican.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 11:5

Lopite ŋolopei nyiyeniata iyes epite ŋolo eyeunere ikoku anakook a toto keŋ, nyiyenete daŋ iyes ŋiticisyo ŋulu ka Akuj a ŋina erae ekasuban a ŋinibore.

Ekal. 7:13

Totamatamata mono iyes ŋuna a ibore a daadaŋ a ŋini adau Akuj asubun. Ŋae epedori arikin ibore ŋini esubunitae emagul?

Ekal. 7:23

Abu ayoŋ anaosou kaŋ ekatak ŋakiro ŋun daadaŋ otema, “Acamit ayoŋ jik aruwor ŋini aos,” nai apotu ŋun nyepedorosi aneni kaŋ.

Ekal. 7:29

Ŋuna bon abu ayoŋ oryamu ikes nu: Abu Akuj tosub ŋituŋa erae ŋulu iyookino, nai emyekis ŋituŋa akiyookino, aloto ayere akitiya ŋuna ka alakara ŋuna ecamito ikes akitiya.”

Ekal. 8:17

abu ayoŋ a ŋinapaki oyenu atemar Akuj iŋes adau atubun atemar nyemaikina ŋituŋa toyenut ŋuna itiyasi anakwap a na. Tari daŋ kikatakis ŋituŋa akitiya ka agogoŋu ayenun ŋuna itiyasi, nyepedorete ayenun. Tari daŋ kebasi ŋikaosok ikiyeni ŋuna itiyasi, nyepedorito ayenun.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 13:22

Isikwaanitae ŋikinyom ŋulu adoete lokukwa ka ŋituŋa ŋulu iirarete akirot, nai amitakinit ŋuna ka akwap ka ekibure ŋolo ke ebari, eridakinete akirot ŋin nyera.

Mar. 7:37

Toumokis ikes nooi temasi, “Etiya iŋes ŋiboro daadaŋ ejok, esiira ŋikiŋimanotin ka esirworik ŋulu sek nyirworosi.”

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.