Ekal. 2:8 - Ebaibul

⁸ Abu daŋ ayoŋ ocun aŋuna kaŋ esilipa, egolid ka ebari ŋolo a ŋirwosi a ŋice ta ŋolo a ŋakiboisyo a ŋace; abu ayoŋ oryamu ŋikilyok ka ŋaberu ŋulu arae ŋikaeok; abu ayoŋ oryamu ŋinibore daadaŋ ŋini etalakaran, abu ayoŋ oyakaunor ŋaberu ŋuna alalak ŋuna pa eiitit.

Ekal. 2:8 Iomraidhean Croise

2 Sam. 19:35

Arae ayoŋ tokona ŋikaru ŋatomonikanikauni; apedori ayoŋ ayenun ibore ŋini ejok ka ŋini nyejok a? Apedori ayoŋ eketiyan kon aryamun abobou anakimuj a ŋina emuji, kori amasi a? Apedori ayoŋ akipup akajoikinito ŋieosyo ŋulu eosi ŋikilyok, kori ŋaberu a? Kaanukiro alosyo ayoŋ eketiyan kon akiyatakin ŋatyokisyo neni kon ekapolon kaŋ erwosit?

1 Ŋirw. 10:10

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit; mam apaki ace ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

1 Ŋirw. 10:14

Aryamununui Solomon a ŋolokaru egolid ŋolo arae apotis keŋ ŋitalantae ŋamiae ŋakanikapei ka ŋatomonikanikapei ka ŋikanikapei,

1 Ŋirw. 10:21

Ŋiboro daadaŋ ŋulu amasya erwosit Solomon, arae ŋulu etiyaunitae a egolid ka ŋiboro daadaŋ ŋulu ayakasi kai ŋina anyaritae Akai ŋina ka amoni a ŋina alo Lebanon, arae ŋulu etiyaunitae a egolid bon, meere a esilipa, anerae arae esilipa ibore koŋin alorwa a ŋulu a Solomon.

1 Ŋirw. 11:3

Ayakar Solomon ŋaberu ŋamiae ŋakanikaarei ŋuna auritae alokalya a ŋirwosi ka ŋace ŋamiae ŋauni ŋuna pa eitit; apotu ŋaberu keŋ ŋun kibatasi etau a Solomon.

1 Ŋirw. 14:27

Aŋun, abu erwosit Reoboam kitiyau ŋaupala ŋace, a eburonis kilunyok neni a ŋuna aponi tolemarae; inak iŋes ŋun neni a ŋulu apolokinito ŋulu eteete ŋipukei a akai ke erwosit.

1 Ŋirw. 9:14

Apaki ŋin, aris Iram kiyakik Solomon ŋitalantae amiat ka ŋatomoniarei ŋulu a egolid.

1 Ŋirw. 9:28

Toloto ikes nakwap ŋina anyaritae Opir, yaut ŋatalantae ŋamiae ŋaomwon ka ŋatomoniarei ŋuna a egolid, inakis erwosit Solomon.

1 Ŋakiro a ŋirwa 25:1

Apotu Daudi kaapei ka ŋikarikok ŋulu a ŋasigarya toseut ŋidwe ka Asap, Eman ka Yedusun ŋulusapa ŋice aŋuna ka akisera ŋakiro ka Akuj kisitiyaete ŋiboro ŋulu eramio eeoi lu: Ŋaduŋgui, ŋagitae ka ŋitworoi. Ŋirorwa a ŋituŋa a ŋul ikes lu:

1 Ŋakiro a ŋirwa 25:6

Arae papa kec apolokinit ŋisapa ŋul daadaŋ eeosi alo Kai ka Akuj neni ke Ekapolon, isitiyaete ŋitworoi, ŋagitae ka ŋaduŋgui anakilip alo Kai ka Akuj. Nai arae erwosit apolokinit Asap ka Yedusun ta Eman.

2 Ŋakiro a ŋirwa 9:11

Abu erwosit kitiyau anakito a ŋuna ka alemugim ŋadoketa ŋuna ka Akai ke Ekapolon, ŋuna ka akai ka apukan ka ŋaduŋgui ta ŋagitae ŋuna isitiyaete ŋikaeok. Mam ŋakito ŋuna alalak ŋuna atya ŋun ŋinapei, ŋuna aponi yaunae Yudaya.

Esir 2:65

pa imaritae ŋiketiyak ka ŋaketiyak kec ŋulu arae ekimar kec ŋalipyo ŋakanikaarei ka ŋamiae ŋauni ka ŋatomoniuni ka ŋakanikaarei, ayakatar daŋ ŋakaeok ka ŋikaeok ŋamiae ŋaarei.

Ekal. 1:2

Abu ekalimonokinan ŋol tema, “Akoŋinait! Akoŋinait! Akoŋinait akiyar! Erae ibore daadaŋ ikoŋinait!

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:5

ani iirarete iyes eruye a amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, emaikina iyes toryediko ka kilipa etorube a egolid ŋolo adau erwosit Nebukadinesar asipokin.

Dan. 3:7

Aŋun, ani iirarete ŋituŋa daadaŋ eruye amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, apotu ŋituŋa daadaŋ ka ŋakwapin daadaŋ ta ŋulu irworosi ŋaŋajepa ŋuna egelegelya toryediko ka kilipa neni a etorube a egolid a ŋolo kebu erwosit Nebukadinesar tosipok.

Amos 6:5

Iyes ŋulu ieosi ŋieosyo ŋulucaryo, ido iramete ŋaduŋgui lopite ŋolo etiyaa Daudi,