Ekal. 2:5 - Ebaibul

⁵ abu ayoŋ eta ŋimanikorin ka etemonok neni kiboiyet, ido abu odupanak ŋikito daadaŋ ŋulu egelegelya nen ŋulu erayete ŋaraito.

Ekal. 2:5 Iomraidhean Croise

Neem. 2:8

ka akainakin ayoŋ abaruwa oya neni ka Asap a ekedaran amoni ke erwosit ŋina a ŋikito, tolimokinae iŋes ainakin ayoŋ ŋabaoi, ikotere etiyaunia ŋakito ŋuna a ŋipukei a ŋulu ka aduketait a ŋinajiet a ŋina iteere Akai ka Akuj ka adukokinia arwatata ŋina ke etaun ta akai ŋina alosi ayoŋ akiboiyo.” Abu erwosit okoinak ayoŋ ŋuna eŋita, anerae ikirukit ayoŋ ka Akuj kaŋ ŋina ajokan.

Eete a Ŋie. 4:12

Iiuna iyoŋ ikwa emanikor ŋolo ewuatae, nakaato kaŋ, ateran kaŋ, iiuna iyoŋ ikwa ecowa ŋolo ewuatae ka eitanit ŋolo egolol.

Eete a Ŋie. 4:13

Erae emanikor kon ŋolo erupyata ŋikito ejok, erupete ŋikito alomanikor a ŋol ikwaan ka ŋikito ŋulu enyaritae Pomegranate ka eraete ŋaraito ŋuna ajokak nooi. Eyakasi nen ŋikito ŋulu enyaritae Ena ka akimyet Narid,

Eete a Ŋie. 4:16

Ekuwuam ŋolo alo Kuju tonyou, ekuwuam ŋolo alo Kwap bua! Tokut lomanikor kaŋ, ikotere eure ŋolo ke emanikor kaŋ ielakin akwap. Emaikina ŋolominat kaŋ bu lomanikor keŋ, kimuj ŋaraito a emanikor ŋuna ajokak nooi.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Eete a Ŋie. 6:2

Atiyaar ŋolominat kaŋ lomanikor keŋ, alot iŋes neni iturupere ŋicok a ŋikito a ŋulu akukunyok. Alot iŋes akitan ŋikito lomanikorin ka akicun ŋatur a ŋicomocomo.

Yer. 39:4

Ani iŋolikinete erwosit Sedekia ŋolo a Yudaya ka ŋasigarya a Yudaya daadaŋ ŋikapolok a erwosit a Babilon, apotu toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.