Ekal. 2:26 - Ebaibul

²⁶ Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 2:26 Iomraidhean Croise

Akisy. 7:1

Tolimok Ekapolon Noa tema, “Toloma nataker kaapei ka ekal kon, anerae aanyu ayoŋ atemar iyoŋ bon iyookino alokiŋaren kaŋ ananyamet a na.

Yob 32:8

Nai erae etau ŋolo ka Akuj ŋolo eyai neni a ituŋanan, erae ekieŋanu ŋolo ka Akuj a ŋina etiron ikiini ayenun ŋakiro.

Yob 38:36

Ŋae ainakini aosou lonerin ŋulu alotooma akuwan, kori ŋae ainakini ayenut natameta?

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 51:6

Kire jik, icamit iyoŋ akiyookino ŋina eyai lotau a ituŋanan. Aŋun, kilelebik aosou kon natameta kaŋ.

Ŋakit. 13:22

Eesyanakinete ŋituŋa ŋulu ajokak ŋiboro kec toryamut ŋipapae kec, nai idyasitae ebari a ŋikasecak erae ŋolo a ŋulu iyookino.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Ŋakit. 28:8

Ituŋanan ŋini iasi egyelit a ŋiboro keŋ aryamunia epoida ŋolo alalan, eryamununui ituŋanan ŋin epoida ŋol aŋuna a ituŋanan a ŋini erimaana aneni a ŋikulyak.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:14

Abu ayoŋ eŋolik ŋiticisyo daadaŋ ŋulu itiyao anakwap a na, oyenu atemar, erae ibore daadaŋ ikoŋinait, erae ibore ŋin daadaŋ akirisit ekuwuam.

Ekal. 2:25

anerae ani pa keyai apedori ŋina ka Akuj nen, ŋae epedori akimuj, kori aryamun alelyanu?

Ekal. 3:10

Eŋolik ayoŋ etic ŋolo einakinit Akuj ŋinituŋanan akitiya.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Yoa. 16:24

Akitodol tokona nyiŋita iyes idiobore alokiro kaŋ; kiŋita iryamunete, ikotere alelyan kus ilelebikin.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.