Ekal. 2:22 - Ebaibul

²² Aliropit mono eryamuni ituŋanan aŋuna a etic a daadaŋ a ŋolo eŋirikinit iŋes akitiya elelakinit anakwap a na?

Ekal. 2:22 Iomraidhean Croise

Ŋikiru. 127:2

Ecaryono anyounun taparacu sek ka alosenen akiper kedil akuwar, itiyae aŋuna ka akimuj, anerae einanakini Ekapolon ŋulu emina iŋes ŋuna iitanito tari apaki ŋina ejotooto.

Ŋakit. 16:26

Einanakini akiitanit ituŋanan akitiya ka agogoŋu, anerae ecamit ituŋanan alemar akoro aneni keŋ.

Ekal. 1:3

Nyo eryamunete ŋituŋa aloticisyo a daadaŋ a ŋulu itiyaete ikes anakwap kec a na?

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 3:9

Nyo mono ikiryamuni iwon aloticisyo yok a daadaŋ?

Ekal. 4:6

Ejok ayakau ka ibore idio ŋini iryamunitor iyoŋ akinapakina anatameta kon, akilo a ŋirikinit akitiya ŋinapaki daadaŋ, erae nen akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 5:17

Nabo daŋ alorwa a daadaŋ a ŋulu eyariata ŋituŋa, imujete ŋituŋa pa eyenete ibore idio, eyakatar akadakinit ŋina apolon, eyakatar ŋidekesyo ka anyunyura.

Ekal. 8:15

Aŋun, acamunit ayoŋ atemar ejok alakara anakwap a na, anerae emam ibore ejok ŋituŋa eyakatar anakwap a na akilo akimuj ka akimat, ido torae ŋulu elakara. Einakini nai nen ŋituŋa alelyanu aloticisyo kec ŋirwa daadaŋ ŋulu einakinit Akuj ŋituŋa ayarya anakwap a na.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Mat. 6:11

Inakinae isua nakoloŋit na akosikimuj ŋina a jwi jwi;

Mat. 6:25

“Aŋun, akalimokini ayoŋ iyes atemar, nyiyaloloŋete aŋuna ka akiyar kus; aŋuna a ibore a ŋini nyamat kori a ŋini matat. Nyiyaloloŋete tari aŋuna a ŋilowi a ŋulu napan. Meere mono akiyar iloit akimuj ka akuwan iloit ŋilowi a?

Mat. 6:34

Nyiyaloloŋete aŋuna a moi taparacu, anerae moi taparacu daŋ eyakar ŋuna keŋ. Kimyekisi ŋinakoloŋit kitemokin ŋican keŋ.

Luk. 12:22

Tolimok Yesu ŋikeekasyomak tema, “Aŋun, akalimokini ayoŋ iyes atemar, nyiyaloloŋete aŋuna ka akimuj a ŋina iitanito iyes ayarya, kori aŋuna a ŋilowi a ŋulu iitanito a ŋulu napan.

Luk. 12:29

“Nyiyaloloŋete tokona ibasi, ‘Okoe, nyo ikinyami kori nyo ikimasi?’

1 Ŋikor. 16:16

topupo ŋikilyok ŋulu ikote ŋul ka ŋulu itiyaete ka ikes.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

1 Tim. 6:8

Aŋun, ani kikiyakar iwon akimuj ka ŋilowi, itemokino emwonikina aŋuna kec.

1 Pet. 5:7

Yaasi ŋatyokisyo kus daadaŋ neni keŋ, anerae ikiyoki iŋes iyes.