Ekal. 2:17 - Ebaibul

¹⁷ Aŋun, abu akiyar eketilil ayoŋ, anerae ŋuna itiyao anakwap a na, erae ŋuna apotu eketeryamut ayoŋ ŋican aŋuna eraakatar ikes ŋakoŋinae ŋuna ikwaan ka akirisit ekuwuam.

Ekal. 2:17 Iomraidhean Croise

1 Ŋirw. 19:4

Nai tolot iŋes ka a keŋ akoloŋit apei analoŋisat. Ani edoli iŋes iwace neni ayai ekitoe ŋolo esibit epetet kiboikin kwap ekitoe ŋol, kilip a nen egasi atwanare tema, “Etemokin tokona, okoe Ekapolon, tolema akiyar kaŋ, anerae nyajok ayoŋ akilo atapapaa kaŋ.”

Yob 14:13

Okoe kerae ca ikiwua iyoŋ ayoŋ anakibois a ŋikatwak, kerae ca ikililiŋiya iyoŋ ayoŋ a nen akitodol ŋina edaunor anyunyura kon, kerae ca kiwuakinite iyoŋ ŋirwa ŋulu ayakar ayoŋ nakibois a ŋikatwak, ido nai totamu atemar ekedarit ayoŋ iyoŋ a nen.

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Ekal. 1:14

Abu ayoŋ eŋolik ŋiticisyo daadaŋ ŋulu itiyao anakwap a na, oyenu atemar, erae ibore daadaŋ ikoŋinait, erae ibore ŋin daadaŋ akirisit ekuwuam.

Ekal. 1:17

Abu nai ayoŋ oŋirik ayenun atyeketait ŋina eyai kidiŋ ayenut ka abaŋao, aosou ka akikerepikinit, nai abu ayoŋ oyenu atemar ekwaan ŋun daŋ ka akirisit ekuwuam,

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 2:22

Aliropit mono eryamuni ituŋanan aŋuna a etic a daadaŋ a ŋolo eŋirikinit iŋes akitiya elelakinit anakwap a na?

Ekal. 3:16

Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

Ekal. 4:2

Abu ayoŋ otamak atemar ejokak ŋulu adaut atwakare akilo ŋulu eriŋa eyarete.

Ekal. 4:3

Nai ejokak ŋulu eriŋa nyetakanuna nyidouno akilo ŋulu eyarete, kori ŋulu atwaka. Ejokak ikes aŋuna nyiŋolikinitotor aronis ŋina itiyao anakwap a na.

Ekal. 6:9

Ejok akiŋolikin ibore akilo akisirimit ŋatameta alokibure. Erae ŋun daŋ ŋakoŋinae ka erae akirisit ekuwuam.

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Yona 4:3

Aŋun, Ekapolon, tolema akiyar kaŋ, anerae ejok ayoŋ otwan akilo akiyar.”

Yona 4:8

Ani ikeun akoloŋ, kitukut Akuj ekuwuam ŋolo amwanan alo Kide, ŋolo sek kitemokinit iŋes, tonom akoloŋ Yona akou kisiraka iŋes. Tolimok Yona Akuj alemar akiyar keŋ tema, “Ejok ayoŋ otwan akilo akiyar.”

Abak. 1:3

Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Ekim. 11:15

Ani kerae lo epite ŋolo ikitiŋitor iyoŋ ayoŋ, tolema akiyar kaŋ atipei, ani kajok ayoŋ alokiŋaren kon, nyikimyek ayoŋ eŋolik ŋican.”