Ekal. 2:14 - Ebaibul

¹⁴ Epedorete ŋikaosok akiŋolikin neni elosete ikes, nai nyepedorete ŋibaŋaanotin akiŋolikin neni elosete ikes. Nai abu ayoŋ otamak atemar eryamunete ŋikaosok ka ŋibaŋaanotin ŋican kaapei.

Ekal. 2:14 Iomraidhean Croise

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Ŋikiru. 49:10

Iteete ŋituŋa daadaŋ tari ŋikaosok etwakete; ŋibaŋaanotin daŋ ka ŋulu imatimataarit etwakete, ido imyaanakinete ebari kec kiruma ŋuluce.

Ŋikiru. 49:11

Erae ŋalyalin kec neni iboiyoto ikes ŋikaru ka ŋikaru, erae neni iboiyoto ikes ŋanyameta daadaŋ, tari daŋ keyakatar sek ikes arwonu anakwap.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 17:24

Ituŋanan ŋini eyakar ayenut iwarit akitiya ŋakiro alotooma aosou, nai eŋoleŋole ituŋanan ŋini ebaŋaana akitiya aronis aneni daadaŋ eyakaun iŋes.

Ekal. 2:16

Erae ŋun aŋuna nyerubakinere jik etamunitae ekaoson, kori imuryakin ŋuluarei ŋul daadaŋ. Lopite ŋolopei etwania ebaŋaanot, etwani ekaoson daŋ.

Ekal. 3:19

Ikwaan ŋuna itiyakin neni a ŋituŋa ka ŋuna itiyakin neni a ŋityaŋ, lopite ŋolopei etwakyata ŋituŋa daŋ, etwakete ŋityaŋ daŋ. Kieŋasi ŋituŋa lopite ŋolo ieŋatar ŋityaŋ, mam ibore ejokyata ŋituŋa akilo ŋityaŋ, anerae eruwor ŋul daadaŋ ŋikoŋinae.

Ekal. 6:6

Tari daŋ kiboi ituŋanan ŋikaru ŋalipyo ŋaarei, ido nyeryamu alakara anakwap keŋ, nyelosete mono ŋituŋa daadaŋ nakibois apei ekaku ka akiyar a na a?

Ekal. 6:8

Nyo mono tokona ejokyata ŋulu aosok akilo ŋulu ebaŋaaka? Anijokis eryamunete ŋikulyak anayenun atemar epite ŋolo emaikina kilipununeere ibore ŋiniyaret iŋes akilipa anapatanu?

Ekal. 7:2

Ejok alosit kai ŋina igworore akilo alosit kai ŋina itiyaere ŋasuban, anerae erae atwanare ŋina a ŋituŋa a daadaŋ emaikina ŋituŋa ŋulu eriŋa eyarete kirica ŋakiro ŋun alotai kec.

Ekal. 8:1

Ŋae ikwaan ka ituŋanan ŋini aoson? Ŋae eyeni apolou a ŋinibore? Eyaununui aosou alakara neni a ituŋanan, elemanari aosou anyoridid ŋina sek eŋoitor ituŋanan.

Ekal. 9:11

Adau nabo ayoŋ akiŋolikin ibore ice anakwap a na; ibore ŋin iŋes en, meere ekapiranan iloununui ŋuluce anakerit, kori meere ekagogoŋon iloununui alojie, meere ekaoson eyakar akimuj ŋina alalan, meere ekapiiryanan eyakar abaru, meere ŋulu eyenete akitiya ŋiboro eryamunete ajokis, nai icwanyanakin ŋun lotuŋa daadaŋ a ŋinapaki.

Ekal. 9:16

Aŋun amina ayoŋ atemar ejok aosou akilo agogoŋu, nai ejamuwaritae aosou a ŋikulyak ka mam ituŋanan ecamuni akiirar ŋakiro ŋuna irworosi ŋikulyak.

1 Yoa. 2:11

Nai ŋini eremokino lokaato keŋ, eyai iŋes nakiryonut ka elosi anakiryonut, nyeyeni neni elosi; anerae etumudukan akiryonut iŋes.