Ekal. 2:10 - Ebaibul

¹⁰ Ibore daadaŋ ŋini eburit ŋakonyen kaŋ kiŋolikis, abu ayoŋ nyaŋer akiŋolikin, abu ayoŋ nyemik etau kaŋ ŋinalakara daadaŋ, anerae abu ayoŋ oryamu alotau kaŋ alakara alotooma daadaŋ ŋuna aŋirikinit akitiya, ido arae ŋun eropit aŋuna a ŋiticisyo kaŋ a daadaŋ.

Ekal. 2:10 Iomraidhean Croise

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

Akisy. 6:2

kiŋolikis ŋidwe a Set ŋulusapa ŋidwe ŋulupesur ŋul ibusak, yaasi ŋuna daadaŋ apotu ikes toseut, kituruwosi ŋaberu kec.

Yob 31:1

“Adau ayoŋ akikoŋ atemar nyeŋolikini idiobore okonira, alipite nai apedorya ayoŋ akiŋolikin apese ŋina nyiryamakina ke ekile?

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Ŋikiru. 128:2

Ipedori iyoŋ akinyam ŋaraito ŋuna a ŋiticisyo kon; ibuni iyoŋ alakar ka ejokyata ŋakiro daadaŋ aneni kon.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Ekal. 2:1

Abu ayoŋ ocamak nooi akitalakar bon ka eiitan ayenun atemar nyo erae alakar. Nai abu ayoŋ oyenu atemar erae ŋun daŋ ŋakoŋinae.

Ekal. 2:22

Aliropit mono eryamuni ituŋanan aŋuna a etic a daadaŋ a ŋolo eŋirikinit iŋes akitiya elelakinit anakwap a na?

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Ekal. 3:22

Aŋun abu ayoŋ oyenu atemar mam ibore itojokito ŋituŋa alemar aryamun alelyanu aŋuna a etic kon a ilope, anerae erae alelyanu ŋin ainakinet keŋ, ŋae epedori akiteyarun ituŋanan ketwana, kisiŋolik ŋuna eponito alokiŋaren?

Ekal. 5:10

Ituŋanan ŋini emina ŋisiliŋa, nyetemari aryamu ŋisiliŋa ŋulu itemokino, tari ŋini emina ebari, nyeryamuni ibore daadaŋ ŋini ecamit iŋes aryamun.

Ekal. 5:17

Nabo daŋ alorwa a daadaŋ a ŋulu eyariata ŋituŋa, imujete ŋituŋa pa eyenete ibore idio, eyakatar akadakinit ŋina apolon, eyakatar ŋidekesyo ka anyunyura.

Ekal. 5:18

Erae nu ŋuna eŋolik ayoŋ erae ŋuna ejokak: Ŋuna ejok ŋinituŋanan akitiya iŋes akimuj ka akimat, ikotere iruwor ŋini ilakara alotic a daadaŋ a ŋolo itiyae iyoŋ anakwap a na alorwa a ŋulu ekudyoko a ŋulu ikiinakinit Akuj iwon, anerae erae ŋin ainakinet ŋina ikiinakinitae iwon.

Ekal. 6:2

Einanakini ŋituŋa ebari ŋiboro ka apolou, ikotere ŋituŋa nyicanakinosi ibore ŋini iburit ikes alotai kec, nai nyecamakinit Akuj ikes kileilyaa ŋun analakara, ido epedori igelaanot akileile ŋul daadaŋ. Erae ŋun ŋakoŋinae ka erae ŋuna eyaunito aronis.

Ekal. 6:9

Ejok akiŋolikin ibore akilo akisirimit ŋatameta alokibure. Erae ŋun daŋ ŋakoŋinae ka erae akirisit ekuwuam.

Ekal. 8:15

Aŋun, acamunit ayoŋ atemar ejok alakara anakwap a na, anerae emam ibore ejok ŋituŋa eyakatar anakwap a na akilo akimuj ka akimat, ido torae ŋulu elakara. Einakini nai nen ŋituŋa alelyanu aloticisyo kec ŋirwa daadaŋ ŋulu einakinit Akuj ŋituŋa ayarya anakwap a na.

Ekal. 9:6

Apuripuryaar jik amina, akimanit ka arakao ŋuna ayakatar ikes neni a ŋuluce; emam nabo aloboro a daadaŋ a ŋulu etakanunete ŋulu epedorete ikes akimor ka ŋituŋa ŋuluce anakwap a na.

Ekal. 9:9

Emaikina ŋinituŋanan elelyani anakwap keŋ kaapei ka aberu keŋ ŋirwa ŋulu erae ŋikoŋinae lu daadaŋ ŋulu adau Akuj ainakin ŋituŋa akiboiyo anakwap a na.

1 Yoa. 2:16

Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.

Ŋikat. 14:2

Ani eboŋori iŋes lore kec, tolimok papa keŋ ka toto keŋ tema, “Eŋolikinit ayoŋ aberu ŋina Pilistait alo Timina, kiitakinae ayoŋ iŋes toruwor aberu kaŋ.”