Ekal. 12:13 - Ebaibul

¹³ Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 12:13 Iomraidhean Croise

Akisy. 22:12

Tema emalaika, “Kimyek edya, nyitiya idiobore neni keŋ, anerae ayenu ayoŋ atemar ikerit iyoŋ ŋuna ka Akuj, ido nyimika iyoŋ Akuj lokoku kon ŋolodonupei.”

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 147:11

Nai elakara Ekapolon aŋuna a ŋulu itopoloorito iŋes, a ŋulu iwuakinito akigeno kec namina keŋ ŋina nyiryaŋiryaŋa.

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 19:23

Erae akitopoloorit Ekapolon akiyar kire jik, ani kileleba neni a ituŋanan akitopoloorit Ekapolon, erae ituŋanan ŋin ŋini eiuna, emam nabo ŋican eryamuni iŋes.

Ŋakit. 23:17

Kiurya nyiburakis etau kon ŋuna itiyaete ŋikasecak, nai torubak a ŋinapaki itopoloorit Ekapolon.

Ekal. 2:3

Abu ayoŋ ekatak aryamun alakara anakimat epiini ka ainakin naboŋao, nai ariŋa ŋatameta kaŋ eketenito ayoŋ alotooma aosou. Atamakinit ayoŋ atemar erae ŋol epite ŋolo ajokan nooi ŋolo epedoryata ŋituŋa akiboiyo anakwap a na alotooma ŋirwa ŋulu ka akiyar kec ŋulu euruwuaka.

Ekal. 3:14

Ayeni ayoŋ atemar ŋuna daadaŋ itiyae Akuj, erubakinete ŋikaru ka ŋikaru; mam ibore iyatakino nen, kori mam ŋini elemaryo a nen; etiya Akuj ŋun, ikotere ŋituŋa daadaŋ itopoloorete Akuj;

Ekal. 5:7

Ani elalak ŋakirujaeta elalaketa ŋakiro ŋuna ŋakoŋinae; nai emaikina kitopoloorite Akuj.

Ekal. 6:12

Ŋae ituŋanan eyeni ŋuna ejokak aŋuna a ŋituŋa anakwap a ŋina euruwuana torae akoŋinait a na? Ikwaan akiyar na ka etorube ŋolo epatana aŋopiyar. Alipite epedoryata ŋituŋa ayenun ŋuna itiyakin nakwap na kedaut ikes anyoun anakwap a na?

Ekal. 7:18

Nyiryamu idio a ŋul ŋini epol adepar. Epedorete ŋituŋa ŋulu itopoloorito Akuj akiŋer aryamun idio a ŋul ŋini epol adepar.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Ekal. 8:5

Ituŋanan daadaŋ ŋini iwuapi ŋuna irworo erwosit, emam ŋuna isicanere ituŋanan ŋin, ido ituŋanan ŋini eos, eyeni apaki ka eyeni neni itori,

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Luk. 1:50

Eyai akisyon keŋ neni a ŋulu ekerito iŋes ananyameta a daadaŋ.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

1 Pet. 2:17

Tokerito ŋituŋa daadaŋ, tominas ŋikaitotoi ŋuluce, kitopoloosi Akuj ka tokerito ekepukan ŋolo epolokinit ŋuluce daadaŋ.

Akis. 19:5

Bu etoil alokicoloŋ ebala, “Kipuro Akuj yok, iyes ŋiketiyak keŋ daadaŋ ka ŋituŋa daadaŋ ŋulu ikerito iŋes, ŋulu arwok ka ŋulu caryo!”

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.