Ekal. 12:11 - Ebaibul

¹¹ Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Ekal. 12:11 Iomraidhean Croise

Akisy. 49:24

Nai erubakini akau a ŋikaleŋeleŋe keŋ iketakina, isimukekinio ŋakan keŋ ajiore anapedor a ŋolo Etiron a ŋolo a Yakob; ka alokiro a Ekeyokon a ŋolo erae aupal a Ŋisirael,

Esir 9:8

Nai tokona, alotooma apaki ŋina euruwuana, ikiminak iyoŋ isua Ekapolon Akuj kosi, iyoŋ ŋolo ibu ikimyek isua ikirae ŋipiya ka ikiinak isua akiboi ikirae ŋulu ikiuna anakibois kon a ŋina asegan, ikotere ikiinakinia isua akiboi emam ŋace ka akiyar ŋina kitete anakiyar a na a ŋina ikiraakar ŋipi.

Ŋikiru. 23:1

Akuj iŋes ekeyoki ayoŋ, a ŋun, emam ibore ecanakin ayoŋ.

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋakit. 1:6

ikotere eyenunete ŋakitadapeta ŋuna nyepatana ayenun ka ŋakiro ŋuna irworosi ŋikaosok ka ŋuna eteduniyete ŋikaosok.

Ŋakit. 10:21

Eryamunete ŋituŋa ŋulu alalak akiyar ŋina ajokan anakiro a ituŋanan a ŋini aoson, nai etwakete ŋibaŋaanotin aŋuna ebaŋaaketa.

Ŋakit. 22:17

Topupok, ido eketatami ayoŋ iyoŋ ŋakiro ŋuna adaut ŋikaosok akirwor, inakin bon alotau kon akiirar ŋakiro ŋuna etatami ayoŋ.

Ekal. 10:12

Itojokete ŋituŋa ŋikaosok anakiro a ŋuna irworosi ikes, nai irikar ŋibaŋaanotin anakiro a ŋuna irworosi ikes.

Ekal. 7:5

Ejok akiirar ŋakiro ŋuna ikilimokinete ŋikaosok atemar kimyek akilo akipup eete a ŋibaŋaanotin.

Isa. 22:23

Ewuakini ayoŋ iŋes napolou torubak eyai nen ikwa asesit, eruwor iŋes ekepukan ŋolo itopolooritae ipukat ŋiletok a papa.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Yer. 23:29

Nyikoni mono akirot kaŋ akim ka nyikoni mono iŋes enyondo ŋolo ebwaŋabwaŋaari ataaba toruwor ŋakanyilinyili a?

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 3:10

Toboŋok Yesu iŋes tema, “Irae iyoŋ eketataman ŋolo apolon alo Isirael, ka nyiyeni iyoŋ ŋakiro ŋun daadaŋ!

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.