Ekal. 12:1 - Ebaibul

¹ “Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Ekal. 12:1 Iomraidhean Croise

Akisy. 39:2

Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit.

Akisy. 39:23

Tojoŋo ekapolokiniton ŋimabus amitakinit akiit ibore daadaŋ ŋini abu iŋes inak Yosepu akidar, anerae arukito Ekapolon ka Yosepu, ido ibore daadaŋ ŋini itiyakini iŋes, etolosi Ekapolon kiŋaren ejok.

2 Sam. 19:35

Arae ayoŋ tokona ŋikaru ŋatomonikanikauni; apedori ayoŋ ayenun ibore ŋini ejok ka ŋini nyejok a? Apedori ayoŋ eketiyan kon aryamun abobou anakimuj a ŋina emuji, kori amasi a? Apedori ayoŋ akipup akajoikinito ŋieosyo ŋulu eosi ŋikilyok, kori ŋaberu a? Kaanukiro alosyo ayoŋ eketiyan kon akiyatakin ŋatyokisyo neni kon ekapolon kaŋ erwosit?

2 Sam. 19:36

Ikidokari iwon ekapolon kaŋ ekekwaye Yorodan nai nyaekari ayoŋ neni alwanan iwadio anaŋolol, kaanukiro ecamitor erwosit ainakin ayoŋ eropit ŋolo etya ŋol?

1 Ŋirw. 14:13

Igworete Ŋisirael daadaŋ aŋuna keŋ ido tonuka iŋes, anerae iŋes bon alokal a Yeroboam iwuakinio nakipany aŋuna araakar iŋes bon alokal a Yeroboam italakarit Akuj ŋina a Ŋisirael.

1 Ŋirw. 18:12

Arotokin ayoŋ aneni kon bon, ikiyai iyoŋ, etau ŋolo ke Ekapolon neni nyayeni ayoŋ; aŋun, ani kalot ayoŋ olimok Aab, atemar iyai iyoŋ ne, ido nyikiryamu iŋes iyoŋ, akaari Aab ayoŋ. Orae bo ayoŋ ŋolo arae eketiyan kon ŋolo elipi neni ke Ekapolon ŋinapei eriŋa adit.

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Yob 30:2

Arae akainyo kaŋ agogoŋu ŋina a ŋakan kec? Adaun agogoŋu kec daadaŋ.

Ŋikiru. 119:55

Atamunit ayoŋ ekiro kon tari nakwaare, okoe Ekapolon, ewuapit ayoŋ ŋikisila kon.

Ŋikiru. 34:11

Potu iyes ŋulu etatami ayoŋ, topupokisi ŋakiro kaŋ; eketatami ayoŋ iyes akitopoloorit Ekapolon.

Ŋikiru. 63:6

Ani akatamuni ayoŋ iyoŋ alokitaada kaŋ, atamatamae ayoŋ ŋuna kon ŋisaae ŋulu ka akuwar daadaŋ;

Ŋikiru. 90:10

Ikiyari isua akitodol ŋikaru ŋatomonikanikaarei, kori ŋatomonikanikauni erae kikigogoŋ; tari alokaru a ŋul daŋ, ikiryamunit isua ŋican ka ikiyaloloŋi nooi; edaunun ŋikaru ŋul atipei, ido oŋopiyasi isua jik.

Ŋakit. 22:6

Kitatam ikoku eriŋa edit akiwuap ŋuna iyookino, ikotere ani epolouni, nyimyek akiwuapit ŋun.

Ŋakit. 8:17

Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

Ekal. 11:10

Aŋun, nyicamakis ibore idio ikisiyaloloŋi iyes, kori eyauni aryeba nawat kus, anerae erae asoroko ka agogoŋu ŋinakitiyaet ŋakadaunak atipei.

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Ekal. 11:8

Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Isa. 26:8

Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Aum. 3:27

Ejok nooi ŋinituŋanan akidaŋidaŋ ŋatyokisyo keŋ alorwa a ŋulu ka asoroko keŋ.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Osea 7:9

ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 18:16

Tonyarau Yesu ŋidwe neni keŋ tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

1 Sam. 1:28

Aŋun, ainakini tokona ayoŋ iŋes neni ke Ekapolon, ŋirwa daadaŋ ŋulu eyarya iŋes, erae iŋes ŋini einakinitae neni ke Ekapolon.” Aŋun, abu Ana toesik Samuel a nen aŋuna ke Ekapolon.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”

1 Sam. 2:18

Apaki ŋin, etiyanakini Samuel Ekapolon, tonapite arapet ŋina amilimilan anatorobu.

1 Sam. 2:26

Abu nai edya Samuel topolou italakarit Ekapolon ka ŋituŋa.