Ekal. 11:8 - Ebaibul

⁸ Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Ekal. 11:8 Iomraidhean Croise

Yob 10:21

eriŋa nyeloto neni nyaboŋunio nabo, nakwap ŋina ka akiyaloloŋ ka ŋina eyai akiryonut ŋinakiryonon cuc,

Yob 10:22

nakwap ŋina ka akiyaloloŋ ka ŋina eyai egurigur, neni emam akica, neni erae akiryonut bon ileleba.”

Yob 14:10

Nai etwaneneete ŋituŋa, ido tobokakinae kwap; emojoŋeneneete ŋituŋa, ido ai eyakasi ŋulu a ekiŋaren?

Yob 14:12

ituŋanan daŋ ebokakinio kwap nyetakanu nabo; akitodol ŋina edaunor kidiama, nyeyarunete jik ŋulu atwaka, kori nyitonyounio ikes jik anajo kec.

Yob 15:23

Irimito ikes neni alwanan iwarito akimuj ebasi, ‘Ai mono daŋ ikiryamunia akimuj?’ Eyenete ikes atemar aapuu akoloŋit ŋina iridakiniata;

Yob 18:18

Adaun akimasar ikes anakica tooma nakiryonut adaun akiritar ikes anakwap.

Ŋikiru. 49:20

Nyiboi ituŋanan ŋikaru ka ŋikaru, etwani iŋes lopite ŋolopei etwakyata ŋityaŋ.

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Ekal. 2:15

Abu nai ayoŋ otam bon otema, “Ŋuna itiyasi neni a ebaŋaanot, epedorete akitiyakin neni kaŋ daŋ; nyo nai aryamuni ayoŋ anaraakau ŋolo aos?” Abu ayoŋ otamak atemar erae ŋun daŋ ŋakoŋinae.

Ekal. 2:17

Aŋun, abu akiyar eketilil ayoŋ, anerae ŋuna itiyao anakwap a na, erae ŋuna apotu eketeryamut ayoŋ ŋican aŋuna eraakatar ikes ŋakoŋinae ŋuna ikwaan ka akirisit ekuwuam.

Ekal. 2:19

Ŋae eyeni ŋul, keruwor ŋikaosok, kori ŋibaŋaanotin? Nai epolokinete ŋul ibore daadaŋ ŋini abu ayoŋ etiya anagogoŋu kaŋ ka anakwap kaŋ a na. Erae ŋun daŋ ŋakoŋinae.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 4:16

Apotu ŋituŋa ŋulu epukat esorokit ŋol torubakis eyakasi. Nai ŋulu apote ekaku keŋ, apotu nyelakar aŋuna a ŋolo abu kipuka ekaku a esorokit a ŋol. Kire jik, erae ŋun daŋ ŋakoŋinae, erae akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 6:11

Ani kitooya iyoŋ erwor, eruwor ŋakiro ŋuna irworo iyoŋ ŋakoŋinae, anijokis nai eryamuni ituŋanan ŋini irworo anakiro a ŋun?

Ekal. 6:6

Tari daŋ kiboi ituŋanan ŋikaru ŋalipyo ŋaarei, ido nyeryamu alakara anakwap keŋ, nyelosete mono ŋituŋa daadaŋ nakibois apei ekaku ka akiyar a na a?

Ekal. 7:14

Ani ejok ibore daadaŋ aŋuna kus, emaikina iyes ilakara, nai ani epote ŋican, emaikina iyes totamut, Akuj iŋes eyaununui apaki ŋina ka alakara ka ŋina a ŋican. Aŋun, nyepedorete ŋisubuna ŋulu eyarete ayenun ibore idio ŋini itiyakin neni kec ekaku.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Ekal. 8:15

Aŋun, acamunit ayoŋ atemar ejok alakara anakwap a na, anerae emam ibore ejok ŋituŋa eyakatar anakwap a na akilo akimuj ka akimat, ido torae ŋulu elakara. Einakini nai nen ŋituŋa alelyanu aloticisyo kec ŋirwa daadaŋ ŋulu einakinit Akuj ŋituŋa ayarya anakwap a na.

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Mat. 22:13

Tolimok erwosit ŋipi keŋ tema, ‘Toena iŋes ŋakan ka ŋakejen, kimasasi kiŋa nakiryonut. Kigwor aina, tokonyanak ŋikyal.’

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

Yud. 1:18

Apotu ikes itolimokis iyes ebe, “Alorwa a ŋulu esidyok, epote ŋikesolok, ŋulu iwuapito ekibure ŋolo a ŋawat kec make.”