Ekal. 11:5 - Ebaibul

⁵ Lopite ŋolopei nyiyeniata iyes epite ŋolo eyeunere ikoku anakook a toto keŋ, nyiyenete daŋ iyes ŋiticisyo ŋulu ka Akuj a ŋina erae ekasuban a ŋinibore.

Ekal. 11:5 Iomraidhean Croise

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 38:4

“Ai iyai iyoŋ apaki ŋina asubunia ayoŋ akwap? Tolimokinae ayoŋ erae kiyakar iyoŋ ayenut.

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 92:5

Okoe Ekapolon, erae ŋiticisyo kon ŋulu ka aumokin! Eumokina nooi epite ŋolo itamya iyoŋ!

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:6

Ekusi ekuwuam lowae ŋolo alo Kwap, ido kirimo a nen lowae ŋolo alo Kuju, irimi ekuwuam ekusi alowae ke epei tari ŋoloce. Erubakini ekuwuam ekusi irimi itorenene nenipei sek.

Ekal. 11:4

Ituŋanan daadaŋ ŋini idarit ekuwuam tojoŋo akikut, ido kita, mam akimuj itauni; ituŋanan daadaŋ ŋini iteonori ŋidouwon, mam akimuj elemuni alomanikor keŋ.

Ekal. 3:10

Eŋolik ayoŋ etic ŋolo einakinit Akuj ŋinituŋanan akitiya.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 7:24

Alipite epedorya ituŋanan ayenun ibore ŋini erae akiyar. Erae akiyar ibore ŋini iduloro ŋini nyepatana aŋuna yok, erae ibore ŋini egogoŋ nooi ŋini nyepatana iwon ayenun.

Ekal. 8:17

abu ayoŋ a ŋinapaki oyenu atemar Akuj iŋes adau atubun atemar nyemaikina ŋituŋa toyenut ŋuna itiyasi anakwap a na. Tari daŋ kikatakis ŋituŋa akitiya ka agogoŋu ayenun ŋuna itiyasi, nyepedorete ayenun. Tari daŋ kebasi ŋikaosok ikiyeni ŋuna itiyasi, nyepedorito ayenun.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Yoa. 3:8

Ekusi ekuwuam neni ecamit ka iirari iyoŋ akirurum keŋ, nai nyianyuni neni ebunitor kori neni elosi. Ikote nenipei aneni a ŋinituŋanan idounitoe a Etau a ŋolo ka Akuj.”

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.