Ekal. 11:2 - Ebaibul

² Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Ekal. 11:2 Iomraidhean Croise

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Esta 9:19

Ŋakiro ŋun nai ecunanakinotor Ŋiyudayan ŋulu iboiyete alorerya ŋirwa ke elap ŋitomon ka ŋiomwon elap ŋolo ka Adar; ituruworitor akoloŋit ŋin ŋina ka alelyan, ŋina a ŋasuban, akoloŋit ŋina ajokan ŋina einanakinere make ŋainakineta.

Esta 9:22

Totamunito ŋirwa ŋul erae ŋirwa ŋulu eeŋuniata Ŋiyudayan alomoe kec ka elap ŋol erae elap ŋolo aryamuniata ikes alelyan akilo akiyaloloŋ, akieŋun akilo akigworo. Amaikina ikes kituruwosi ŋirwa ŋul ŋulu ka alelyan ka ŋulu a ŋasuban, ŋirwa ŋulu einanakinere make ŋainakineta ŋuna a ŋamuja ka ŋulu einanakinere ŋainakineta neni a ŋikulyak.

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 6:16

Eyakasi ŋiboro ŋikanikapei ŋulu nyecamit Ekapolon, eyakasi ŋikanikaarei ŋulu erae asiilyo aneni keŋ.

Ekal. 11:3

Ani eruwor edou ŋakipi bon, ebukun ŋakipi ŋun kwap erae akiru. Ewae daadaŋ ŋolo imasar ekitoe, kerae lowae ŋolo alo Kwap, kori ŋolo alo Kuju, neni daadaŋ eukokin iŋes, eperi a nen.

Ekal. 11:8

Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Ekal. 12:1

“Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Mat. 18:22

Toboŋok Yesu iŋes tema, “Nyabala ayoŋ ŋarwa ŋakanikaarei, nai ŋatomonikanikaarei ŋarwa ŋakanikaarei.

Mat. 5:42

Ani kikilip iyoŋ ituŋanan ibore, inak iŋes. Ani kecamit ituŋanan akideniyor idiobore aneni kon, nyimik iŋes.

Luk. 17:4

Ani kesec iŋes aneni kon ŋarwa ŋakanikaarei apeipaaran, ido toboŋu ŋarwa ŋakanikaarei tolimu tema, ‘Aki, kisyoni,’ itemokino nai kisyoni iŋes.”

Ŋigal. 6:1

Ŋikaitotoi kaŋ, ani keriko asecit idiotuŋanan, itemokino iyes ŋulu ikipukat Etau ŋolo ka Akuj kiŋarakis iŋes, ikotere inyakun iŋes; nai itemokino iyes kitiyata ŋun alotooma akitiditeuna. Kiuryar ŋinituŋanan kus bon, ikotere nyitemi iŋes daŋ.

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Ŋibur. 13:3

Nyikimuryakis ŋulu eyakasi mabus, tosibite iyakasi iyes ka ikes mabus. Nyikimuryakis ŋulu eryamunito ŋican, tosibite iryamunito iyes ka ikes ŋican.

1 Sam. 25:8

Kiŋit iyoŋ ŋiketiyak kon a elope, ikilimokinete ikes iyoŋ. Aŋun, kitiya ŋuna ka arimao neni a ŋisorok kaŋ a ŋul, anerae aponi isua neni kon akoloŋit na ŋina a ŋasuban. Ekelipit ayoŋ iyoŋ inak ŋiketiyak kon ka Daudi lokoku kon ibore ca daadaŋ ŋini iyakar iyoŋ aŋuna a ŋiketiyak kon.’ ”