Ekal. 10:14 - Ebaibul

¹⁴ nabo irworosi ŋibaŋaanotin jik nyililiŋeneete. Mam ituŋanan eyeni ŋakiro ŋuna itiyakin alokiŋaren, ido ŋae epedori alimokin ŋituŋa ŋuna itiyakin ekaku ka akiyar a na?

Ekal. 10:14 Iomraidhean Croise

Yob 34:37

Iyasi iŋes eŋerenu nasecit keŋ, ibapibapi iŋes daŋ ŋakan alokidiŋ yok, ido iyasi nooi ŋakiro keŋ ŋuna ka aremokino Akuj.”

Yob 35:16

Irworo iyoŋ Yob ŋakiro ŋuna erae koŋin, italalat iyoŋ ŋakiro ŋuna nyerae ŋuna ka aosou.”

Ŋakit. 10:19

Ani kirwor iyoŋ ŋakiro ŋuna alalak, epatana iyoŋ akisec, nai ani erae kios iyoŋ, emaikina kililiŋ cek.

Ŋakit. 15:2

Ikiinakinete ŋakiro ŋuna irworosi ŋikaosok ekibure ŋolo ka aryamun aosou, nai irworosi ŋibaŋaanotin ŋakiro ŋuna erae abaŋao.

Ekal. 10:15

Isiumiyanarosi ŋibaŋaanotin ŋiticisyo kec, anerae imuryakini ikes aboŋor akieŋun alore.

Ekal. 3:22

Aŋun abu ayoŋ oyenu atemar mam ibore itojokito ŋituŋa alemar aryamun alelyanu aŋuna a etic kon a ilope, anerae erae alelyanu ŋin ainakinet keŋ, ŋae epedori akiteyarun ituŋanan ketwana, kisiŋolik ŋuna eponito alokiŋaren?

Ekal. 5:3

Ani kiumonok iyoŋ ŋakiro ŋuna alalak, epatana iyoŋ akiruja ŋakiro ŋuna aronok ka ani kirwor iyoŋ apaki ŋina aoyan, epatana iyoŋ akirworo ŋakiro ŋuna emam apolou.

Ekal. 6:12

Ŋae ituŋanan eyeni ŋuna ejokak aŋuna a ŋituŋa anakwap a ŋina euruwuana torae akoŋinait a na? Ikwaan akiyar na ka etorube ŋolo epatana aŋopiyar. Alipite epedoryata ŋituŋa ayenun ŋuna itiyakin nakwap na kedaut ikes anyoun anakwap a na?

Ekal. 7:14

Ani ejok ibore daadaŋ aŋuna kus, emaikina iyes ilakara, nai ani epote ŋican, emaikina iyes totamut, Akuj iŋes eyaununui apaki ŋina ka alakara ka ŋina a ŋican. Aŋun, nyepedorete ŋisubuna ŋulu eyarete ayenun ibore idio ŋini itiyakin neni kec ekaku.

Ekal. 8:7

Kire, mam ituŋanan eyeni ŋuna epote alokiŋaren ka mam ituŋanan ikilimokini epite ŋolo itiyakinotor ŋun.

Ekal. 9:1

Abu ayoŋ otamatama ŋakiro ŋun daadaŋ, ido abu oyenu atemar napedor ŋina ka Akuj iŋes eyakasi ŋulu iyookino ka ŋikaosok ta ŋuna itiyaete ikes, nai mam ituŋanan eyeni kerae amina ebuni neni keŋ; kori ŋiman epote neni keŋ.

Esek. 35:13

Idaut iyes erwor iturosi nooi ikimanito ayoŋ, iyatakis iyes ŋakiro kus ŋuna ikimanitotor ayoŋ, adau ayoŋ akiirar ŋun.