Ekal. 10:12 - Ebaibul

¹² Itojokete ŋituŋa ŋikaosok anakiro a ŋuna irworosi ikes, nai irikar ŋibaŋaanotin anakiro a ŋuna irworosi ikes.

Ekal. 10:12 Iomraidhean Croise

2 Sam. 1:16

Tema Daudi neni a ekile a ŋolo ecumyo a ŋol, “Ikicenete iyoŋ ŋaokot kon ke elope, anerae iyoŋ elope ibu tolimor bon tema, ‘Abu ayoŋ oar ekapolon ŋolo arae Ekapolon abu toseu.’ ”

Yob 16:5

Kekesirworiu ayoŋ iyes a ŋakiro a ŋuna alimuni, kekemaima ayoŋ iyoŋ a ŋakiro a ŋuna alimuni, toŋopiya aryeba kon.

Ŋikiru. 140:9

Eturokinosi ŋikapolok a ŋikidunyet kaŋ; kimyek ŋiman kec ŋulu ekemanitotor ikes ayoŋ toboŋokis ikes pei.

Ŋikiru. 37:30

Irworosi ŋulu iyookino ŋuna ka aosou, ka irworosi ikes ŋuna ka akiyookino,

Ŋikiru. 64:8

Aŋuna a ŋakiro a ŋuna aronok a ŋuna irworosi ikes emunaari Akuj ikes; imuŋumuŋakinete ŋituŋa daadaŋ ŋulu iŋolikinete ikes ŋakyes ebulit.

Ŋakit. 10:10

Ituŋanan ŋini eedi ŋakonyen, eaununui ŋican, nai iŋes ŋini ikilimokini atemar toesik akitiya ŋuna aronok, eaununui ekisil.

Ŋakit. 10:8

Ecamununuyete ŋituŋa ŋulu eosok akiwuap ŋakiciketa, nai emunaar ebaŋaanot ŋolo ecela car.

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Ŋakit. 15:2

Ikiinakinete ŋakiro ŋuna irworosi ŋikaosok ekibure ŋolo ka aryamun aosou, nai irworosi ŋibaŋaanotin ŋakiro ŋuna erae abaŋao.

Ŋakit. 15:23

Ani keboŋoki ituŋanan ŋakiro ŋuna iŋisitae iŋes erae ŋuna iyookino, eyakaun alelyanu neni a ŋinituŋanan, ejok akirot ŋina ikilimokinio atipei nyelunyara apaki.

Ŋakit. 19:5

Nyebucanar esuuda ŋolo alyokonon, nyisicana ido nyimyekinio ituŋanan ŋini alyokonon tolot nyisicana.

Ŋakit. 22:11

Ani kimina iyoŋ araakau ŋini ijok alotau ka ŋini irworo ŋakiro ŋuna ajokak, iruwor iyoŋ ekone a erwosit.

Ŋakit. 26:9

Akitadapet ŋina irworo ibaŋaanot, ikwaan ka ikameran ŋini edakit ŋikukwa ŋulu eitaaka anakan.

Ŋakit. 31:26

Irworo iŋes ŋakiro ŋuna ka aosou, itatami iŋes ŋakiro ŋuna ka arimao.

Ekal. 12:11

Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Ekal. 4:5

Iyoolito ŋikalanyanotin ŋakan, ido kitonyamas akoro tari ŋina etwakyata.

Ekal. 5:2

Nyikirikirak akirworo, kori nyicamak etau kon kikirikirak akiikin akirot alokiŋaren Akuj, anerae eyai Akuj nakuj ka iyai iyoŋ nakwap; aŋun, emaikina ŋakiro ŋuna ilimuni iyoŋ ekudyoko.

Ekal. 5:6

Nyicamak akituk kon ikirikori iyoŋ nasecit, ido tolimok iyoŋ eketiyan ŋolo ka Akuj ebe, “Pa eredakini ayoŋ akitiya.” Kaanukiro emaikina Akuj eŋoi a ŋakiro a ŋuna irworo iyoŋ, ido kitoŋopiya ŋiticisyo ŋulu idau iyoŋ akitiya?

Ekal. 9:17

Iwuapanakinete ŋituŋa ŋakiro ŋuna epote ekililiŋat aneni a ekaoson akilo ŋuna ecelar ekepukan a ŋibaŋaanotin.

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Luk. 19:22

Tolimok ekapolon eketiyan ŋol tema, ‘Irae iyoŋ eketiyan ŋolo aronon! Akatubokini ayoŋ iyoŋ a ŋakiro a ŋuna ilimu iyoŋ elope! Iyeni iyoŋ atemar arae ayoŋ ekile ŋolo atyonon ŋolo alemanari ibore ŋini nyerae ikaŋ, nabo alemi ŋini nyitakina ayoŋ.

Luk. 4:22

Apotu ŋituŋa daadaŋ kipuro iŋes ka toumokis ikes a Ŋakiro a ŋuna Ajokak a ŋuna erworo iŋes temasi, “Meere nai lo lokoku a Yosepu a?”

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋikol. 4:6

Itemokino erwor kus jwi jwi tojok ka tobob ka itemokino iyes toyenete epite ŋolo emaikina toboŋonokinioto ŋinituŋanan ejok.