Ekal. 10:11 - Ebaibul

¹¹ Ani keyeni ituŋanan ekitoe ŋolo eduŋonokinio nawat aŋuna ka akisorit a ŋimuno, ido nyeduŋok nakuwan eriŋa emun nyekonya, emam nabo ajokis aduŋokin ekitoe ŋol nakuwan kedau emun akikony.

Ekal. 10:11 Iomraidhean Croise

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 58:6

Okoe Akuj, topokono ŋikyal anakituka a ŋituŋa a ŋul; Okoe Ekapolon, todotono ŋikyal a ŋimoe; a ŋulu ikote ededeŋ ŋiŋatunyo a ŋul.

Ŋikiru. 64:3

a ŋulu itokwanito ŋaŋajepa kec ikwa ŋileŋia, tocebete ŋakiro ŋuna apipilak ikwa aremot ŋina a ŋikaleŋeleŋe

Ŋakit. 18:21

Epedorete ŋakiro ŋuna irworo ituŋanan aiun akiyar keŋ kori amunaar akiyar keŋ, aŋun, emaikina ituŋanan tocamu ŋatyokisyo ŋuna epote neni keŋ aŋuna a erwor keŋ.

Ekal. 10:10

Ani keŋiŋi aep, ido nyipena ituŋanan iŋes, emaikina nai ituŋanan kisitiya agogoŋu isitiyae aep ŋin ayepya; nai erae aosou iŋarakini ituŋanan akitiyakinia ibore ejok.

Yer. 8:17

Kiirasi, eyakuuni ayoŋ ŋimuno neni kus, eyakuuni ayoŋ ŋapomya ŋuna nyepedoryo akiŋalakin, ido ikikonyokonyoarete ikes iyes.”

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

Yak. 3:8

Nai emam ituŋanan apedo akitapatanun aŋajep; erae iŋes aronis ŋina nyeupenene, ŋina ileleba akisorit ŋina aronon nooi.