Ekal. 1:9 - Ebaibul

⁹ Ibore ŋinipei sek ayai ekiŋaren, iŋes pei erubakini eyai, ibore ŋinipei sek etiyao ekiŋaren, iŋes pei itiyao nabo; emam ibore ekitetena anakwap a ituŋanan.

Ekal. 1:9 Iomraidhean Croise

Ekal. 1:10

Eyai mono idiobore ŋini etemari ituŋanan ebe, ‘Kiŋolik! Erae ibore en ŋini ekitetena a?’ Ayai ibore ŋin ne koloŋ sek;

Ekal. 2:12

Aŋun abu ayoŋ ogeu atamatam atemar nyo mono apolou a aosou, a ŋimasimas ka abaŋao? Eya mono tokona ŋace ŋuna epedori ŋini elunyokin lokicoloŋ a erwosit aruwor ekepukan akitiya akilo ŋuna sek ekiŋaren itiyatae a?

Ekal. 3:15

Ibore daadaŋ ŋini eyai, ayai sek ekiŋaren, ibore daadaŋ ŋini eyakaun, ayai sek ekiŋaren; itoboŋonokini Akuj ibore ŋini sek ayai toyakaun nabo.

Ekal. 6:10

Ibore daadaŋ ŋini eyai tokona, ayai sek ekiŋaren ka elimokinitae ekiro, ido eyenio atemar nyo erae ŋituŋa; mam ituŋanan epedori akisinda ka ŋini egogoŋ akilo iŋes.

Ekal. 7:10

Nyemaikina ituŋanan tema, “Kaanukiro mono ajoketa ŋirwa ŋulu paaran akilo ŋirwa lu?” Meere ituŋanan ŋini eos iŋita ŋakiro ŋuna ikote ŋun.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

Akis. 21:1

Abu nai oanyuwa nakuj ŋina kitete ka akwap ŋina kitete. Apotu nakuj ŋina esyaunan ka akwap ŋina esyaunan toŋopiasi; toŋopia anam daŋ.

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”