Ekal. 1:8 - Ebaibul

⁸ Erae ibore daadaŋ ŋini etuupan; ŋini emam ituŋanan erubakini irworo aŋuna a ibore a ŋin. Nyetemanari akoŋu etemokin akitere; kori nyilelebunun ŋakiro ŋuna epupi akit nakit.

Ekal. 1:8 Iomraidhean Croise

Ŋikiru. 63:5

Emwoni ayoŋ lopite ŋolo imwonia ituŋanan anasuban, ekepuri ayoŋ iyoŋ alelyani.

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Ekal. 1:7

Eleleete ŋayona daadaŋ lowae ŋolo eyai anam, nai nyilelebuna anam; erubakinete ŋayona eleleete neni pei sek alelete.

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 6:7

Itiyaete ŋituŋa etic daadaŋ aŋuna ka aryamunia ibore ŋinikimuja, nai nyedaun ekibure ŋolo ka akimuj.

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.