Ekal. 1:2 - Ebaibul

² Abu ekalimonokinan ŋol tema, “Akoŋinait! Akoŋinait! Akoŋinait akiyar! Erae ibore daadaŋ ikoŋinait!

Ekal. 1:2 Iomraidhean Croise

Yob 11:12

Nai eyenuni ituŋanan ŋini ebaŋaana ŋakiro iŋolikini asigirya euruuni ituŋanan.

Ŋikiru. 144:4

Ikwaan ŋituŋa ka ekieŋanu; ikwaan ŋirwa kec ka aribo ŋina eŋopiyari atipei.

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Ekal. 11:10

Aŋun, nyicamakis ibore idio ikisiyaloloŋi iyes, kori eyauni aryeba nawat kus, anerae erae asoroko ka agogoŋu ŋinakitiyaet ŋakadaunak atipei.

Ekal. 11:8

Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Ekal. 12:8

Ebala Ekalimonokinan ebe, “Ikoŋinait! Ikoŋinait! Ikoŋinait ibore daadaŋ!”

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 2:15

Abu nai ayoŋ otam bon otema, “Ŋuna itiyasi neni a ebaŋaanot, epedorete akitiyakin neni kaŋ daŋ; nyo nai aryamuni ayoŋ anaraakau ŋolo aos?” Abu ayoŋ otamak atemar erae ŋun daŋ ŋakoŋinae.

Ekal. 2:17

Aŋun, abu akiyar eketilil ayoŋ, anerae ŋuna itiyao anakwap a na, erae ŋuna apotu eketeryamut ayoŋ ŋican aŋuna eraakatar ikes ŋakoŋinae ŋuna ikwaan ka akirisit ekuwuam.

Ekal. 2:19

Ŋae eyeni ŋul, keruwor ŋikaosok, kori ŋibaŋaanotin? Nai epolokinete ŋul ibore daadaŋ ŋini abu ayoŋ etiya anagogoŋu kaŋ ka anakwap kaŋ a na. Erae ŋun daŋ ŋakoŋinae.

Ekal. 2:21

Epedori ituŋanan aŋirikin akitiya etic isitiyae aosou keŋ, ayenut keŋ ka apiiryanut keŋ, nai emaikina iŋes kimyek ibore daadaŋ ŋini adau iŋes akitiyaun toruwor ŋini a ituŋanan a ice a ŋini pa etiyaunit ibore ŋin. Erae ŋun daŋ ŋakoŋinae ka erae aronis ŋina apolon nooi.

Ekal. 2:23

Eyai aryebo ka akiyaloloŋ lorwa daadaŋ ŋulu eyaria ituŋanan; nyieŋununeete ŋatameta keŋ tari nakwaare. Erae ŋun daŋ ŋakoŋinae.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 2:8

Abu daŋ ayoŋ ocun aŋuna kaŋ esilipa, egolid ka ebari ŋolo a ŋirwosi a ŋice ta ŋolo a ŋakiboisyo a ŋace; abu ayoŋ oryamu ŋikilyok ka ŋaberu ŋulu arae ŋikaeok; abu ayoŋ oryamu ŋinibore daadaŋ ŋini etalakaran, abu ayoŋ oyakaunor ŋaberu ŋuna alalak ŋuna pa eiitit.

Ekal. 3:19

Ikwaan ŋuna itiyakin neni a ŋituŋa ka ŋuna itiyakin neni a ŋityaŋ, lopite ŋolopei etwakyata ŋituŋa daŋ, etwakete ŋityaŋ daŋ. Kieŋasi ŋituŋa lopite ŋolo ieŋatar ŋityaŋ, mam ibore ejokyata ŋituŋa akilo ŋityaŋ, anerae eruwor ŋul daadaŋ ŋikoŋinae.

Ekal. 4:16

Apotu ŋituŋa ŋulu epukat esorokit ŋol torubakis eyakasi. Nai ŋulu apote ekaku keŋ, apotu nyelakar aŋuna a ŋolo abu kipuka ekaku a esorokit a ŋol. Kire jik, erae ŋun daŋ ŋakoŋinae, erae akirisit ekuwuam.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 5:10

Ituŋanan ŋini emina ŋisiliŋa, nyetemari aryamu ŋisiliŋa ŋulu itemokino, tari ŋini emina ebari, nyeryamuni ibore daadaŋ ŋini ecamit iŋes aryamun.

Ekal. 6:11

Ani kitooya iyoŋ erwor, eruwor ŋakiro ŋuna irworo iyoŋ ŋakoŋinae, anijokis nai eryamuni ituŋanan ŋini irworo anakiro a ŋun?

Ŋirom. 8:20

Anerae aponi ŋisubuna daadaŋ totubokinae aruwor ŋikoŋinae, meere aŋuna ka acamit kec, nai aŋuna acamitor Akuj kitiyakin ŋun. Torae bo ayai akigeno na,