Ekal. 1:13 - Ebaibul

¹³ Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:13 Iomraidhean Croise

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Yob 28:3

Ani elomarete ŋulu ebokete ŋasuwa ŋun tooma napanya ŋuna ebokyata ikes ŋasuwa etiŋito ikes ŋitaae ŋulukinwaket akwap, ebokete ikes akwap todoiyosi tooma jik, ikotere ebokunete ŋamoru ŋuna inyalal ka ŋasuwa alotooma akiryonut;

Ŋikiru. 111:2

Erae ŋiticisyo ŋulu ke Ekapolon ŋulu ka aumokin, ecamito ŋituŋa daadaŋ ŋulu elakara aŋuna a ŋiticisyo a ŋul ayenun ikes.

Ŋakit. 18:1

Ituŋanan ŋini nyerukito ka ŋuluce emisit ŋuna keŋ bon a ilope, itoodiunit iŋes atemar eŋerit ŋuna eyenete ŋituŋa ŋuluce atemar iyookino.

Ŋakit. 18:15

Epedori ituŋanan ŋini apiiryanan aryamun aosou, ido iwarit ituŋanan ŋini eos akiirar ŋakiro ŋuna ka aosou.

Ŋakit. 23:26

Ikaakoku, kiwuak etau kon neni kaŋ, emaikina iyoŋ kiŋolik ŋuna ewuapit ayoŋ.

Ŋakit. 25:2

Erae akililiŋiyanar ŋakiro akitopoloorit Akuj, nai erae akirworo a ŋirwosi ŋakiro ŋina itopolooritere ikes.

Ŋakit. 4:7

Erae aryamun aosou ibore ŋini epol nooi, aŋun, toryamu aosou. tari kiryamu iyoŋ ibore ŋinice daadaŋ, toryamu ayenut ŋakiro.

Ekal. 1:17

Abu nai ayoŋ oŋirik ayenun atyeketait ŋina eyai kidiŋ ayenut ka abaŋao, aosou ka akikerepikinit, nai abu ayoŋ oyenu atemar ekwaan ŋun daŋ ka akirisit ekuwuam,

Ekal. 11:5

Lopite ŋolopei nyiyeniata iyes epite ŋolo eyeunere ikoku anakook a toto keŋ, nyiyenete daŋ iyes ŋiticisyo ŋulu ka Akuj a ŋina erae ekasuban a ŋinibore.

Ekal. 12:12

Ŋikaatuŋa, eya ŋakiro ŋuna emaikina iyes toyenete, nyiyata ŋakiro ŋace nakigireta a ŋikaosok ŋun. Ketemar akigir ŋikitaaboi ŋulu alalak, emam epite ŋolo ejoŋoere akigir, ido ikiupi iyes akisyom ŋakiro ŋuna alalak.

Ekal. 2:23

Eyai aryebo ka akiyaloloŋ lorwa daadaŋ ŋulu eyaria ituŋanan; nyieŋununeete ŋatameta keŋ tari nakwaare. Erae ŋun daŋ ŋakoŋinae.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 3:10

Eŋolik ayoŋ etic ŋolo einakinit Akuj ŋinituŋanan akitiya.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Ekal. 7:25

Abu nai ayoŋ ewuak ŋatameta kaŋ ayenun, aripiripuun ka akiwarun aosou ta ŋaboŋonokineta ŋuna a ŋakiŋiseta kaŋ. Abu daŋ ayoŋ oyenu atemar erae aronis abaŋao ŋimasimas.

Ekal. 8:9

Abu ayoŋ oyenu ŋun daadaŋ apaki ŋina atamya ayoŋ aŋuna ibore a daadaŋ a ŋini itiyao anakwap a na a ŋina eyakatar ŋituŋa ŋice ŋapedorosyo, ido isitiyaete ikes ŋapedorosyo ŋun aŋuna ka akiteryamunia ŋituŋa ŋuluce ŋican.”

1 Tim. 4:15

Kitiyaenenee ŋakiro ŋun ka inakina aŋuna kec; ikotere nai eanyuwarete ŋituŋa daadaŋ akiyata alotooma ŋuna itiyae iyoŋ.