Dan. 9:9 - Ebaibul

⁹ “Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Dan. 9:9 Iomraidhean Croise

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

1 Ŋirw. 8:30

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ topupok, ido ikisyon.

Neem. 9:31

Kikote neni daŋ, alotooma akisyon kon ŋina apolon, ibu iyoŋ nyimyek ikes emunyaryo jik, kori nyimyekina iyoŋ ikes, anerae irae iyoŋ Akuj ŋina ijok ka ŋina isyoniono.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Dan. 9:8

Okoe Ekapolon, eleereut ŋileec aneni kosi, aneni a ŋirwosi kosi, aneni a ŋikapolok kosi ka aneni atapapaa kosi, anerae ikisec isua aneni kon.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.