Dan. 9:7 - Ebaibul

⁷ “Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Dan. 9:7 Iomraidhean Croise

Esir 9:13

Atakanut ŋun daadaŋ neni kosi aŋuna a ŋiticisyo kosi a ŋulu aronok ka aŋuna a ekaile a ŋolo apolon, aŋuna ibunio iyoŋ Akuj kosi nyikisican isua lopite ŋolo amaikina ikisicanere isua aŋuna a ŋasecisya kosi, ido ikideu isua lupei lu ikirae ŋipiya,

Esir 9:15

Okoe Ekapolon, Akuj a Isirael, iyookino iyoŋ, nai ikideun isua ikirae ŋipiya, lopite ŋolo eyakatar ŋakiro tokona. Ikiya isua kiŋaren kon ikiyakar ekaile, anerae mam ituŋanan epedori akiwo alokiŋaren kon aŋuna a ŋakiro aŋun.”

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Ŋikiru. 119:137

Okoe Ekapolon, irae iyoŋ ŋolo iyookino, iyookino ŋatubonokineta kon.

Ŋikiru. 44:15

Ekerumito ayoŋ ŋileec apaaran jwii, ido erapuwarito ŋileec ereet kaŋ

Ŋikiru. 51:14

Okoe Akuj, akaiunan kaŋ nyikimyek ayoŋ oruwor ekaaran, okoe Akuj ŋina irae aiuno kaŋ, aeikini ayoŋ ŋuna ka akiyookino kon.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 45:16

Isirumyo ŋituŋa daadaŋ ŋileec ka isiguryakinio, isiguryakinio ŋulu itiyaununeete ŋakujo kaapei.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 32:32

aŋuna a ŋiticisyo a ŋulu aronok a ŋulu itiyaete ŋituŋa a Isirael ka ŋituŋa a Yudaya, ŋiticisyo ŋulu eketoŋoeta ikes ayoŋ, ŋulu apotu ikes kaapei ka ŋirwosi ŋikapolok, ŋisacaradotin, ŋikadwarak ka ŋituŋa ŋulu iboiyete a lo Yudaya ka ŋulu iboiyete alo Yerusalem.

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Yer. 4:17

Irikaunete ikes Yerusalem lopite ŋolo irikaunitotor ŋiketeok emanikor, anerae akaŋero ayoŋ ŋituŋa a Yerusalem.

Yer. 7:19

Ayoŋ mono eketoŋoete ikes a? Meere mono ikes pei ikotere ewanatar make a?

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Dan. 9:14

Aŋun, abu Ekapolon nyerubak ite ŋuna itiyao isua, abu yau neni kosi ŋican, anerae iyookino Ekapolon Akuj kosi alotooma daadaŋ ŋuna etiya iŋes, ido nyiwuapa isua ŋakiro ŋuna irworo iŋes.

Dan. 9:18

Okoe Akuj kaŋ, kiirarae ayoŋ, kiŋoliu, ido kiŋolik ekasile ŋolo ayakaun lotaun ŋolo eyai ekiro kon. Nyikilipi isua neni kon aŋuna ikitamia atemar ikirae ŋulu ikiyookino, nai erae aŋuna ikiyenia atemar irae iyoŋ ŋina elal nooi akisyon.

Dan. 9:8

Okoe Ekapolon, eleereut ŋileec aneni kosi, aneni a ŋirwosi kosi, aneni a ŋikapolok kosi ka aneni atapapaa kosi, anerae ikisec isua aneni kon.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.