Dan. 9:25 - Ebaibul

²⁵ Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Dan. 9:25 Iomraidhean Croise

2 Sam. 15:25

Tema nai erwosit neni a Sadok, “Todakasi Asaduku ŋina ka Acamunet, kinyakasi lotaun. Ani kakarimaki ayoŋ Ekapolon, ekenyakuni iŋes ayoŋ eŋolik Asaduku ŋina ka Acamunet ka akibois ŋina iwuakinitae iŋes.

Esir 4:24

Apaki ŋin, aponi kimyekinae etic ŋolo ka akiduk a Akai ka Akuj, torubak jik etic ŋol egolokinitoe akitodol ekaru ŋolo a ŋiarei ipukat erwosit Darius ŋolo a Perisia.

Esir 7:1

Ekaku a ŋun, alorwa a ŋulu epukator Aritaseses ŋolo a Perisia, ayai ekile ŋolo anyaritae Esira lokoku a Seraia a ŋolo arae lokoku a Asaria a ŋolo arae lokoku ka Ilikia

Esir 7:8

Adolunete ikes Yerusalem elap ŋolo a ŋikan, alokaru a ŋolo a ŋikanikaarei ipukat Aritaseses.

Neem. 3:1

Apotu nai Eliasib ŋolo arae esacaradoti ŋolo apolon nooi togeikis etic kaapei ka ŋisacaradotin ŋuluce, todukokis Epuke ŋolo a Ŋamesekin nabo. Apotu ikes kitaleut Epuke ŋol, kirikakis daŋ akiduk ŋikekya a ŋipukei; apotu ikes kitaleut arwatata ameun a lopuke a Ŋamesekin akitodol naduketait ŋina aoyan ŋina anyaritae ŋina ka Amiat tari naduketait ŋina aoyan ŋina ka Ananel;

Neem. 4:2

Tolimu iŋes epupete ŋituŋa ŋulu etiyaata Iŋes etic ŋolo ka apukan ka ŋasigarya ŋuna a Samaria tema, “Nyo itiyaete Ŋiyudayan lu epalag lu? Epedorete mono ikes akinyakakin arwatata daadaŋ a? Einakinete ikes ŋamuronisya a? Edukokinete mono ikes arwatata alotooma apei koloŋit a? Ekutunete mono ikes ŋamoru aneni etukotor icunyitae a?”

Neem. 4:8

tosodo totukut daadaŋ aponare akitijikin Yerusalem ka akiguryakin ŋituŋa alotooma keŋ.

Neem. 6:15

Aŋun, aponi kirikakinae akiduk arwatata alotooma ŋirwa ŋatomonikan ka ŋiarei ŋirwa ke elap ŋatomoniarei ka ŋikan elap ŋolo anyaritae Alul.

Ŋikiru. 71:10

anerae ekerworotor ayoŋ ŋimoe kaŋ; etukosi akiar ayoŋ ŋulu ekemanito ayoŋ.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

Dan. 8:25

Alotooma epali keŋ, ituruwori iŋes amodiyo ibore ŋini erubakini elosi kiŋaren anapedor keŋ, itopoloor iŋes nooi anatameta keŋ. Emunyari iŋes ŋikalalak pa elimokinit atemar edyakarito ka itijikini iŋes tari erwosit ŋolo epol akilo ŋirwosi daadaŋ, inyasunio iŋes, nai meere ka apedor a ituŋanan.

Dan. 9:23

Apaki ŋina igeunia iyoŋ adyekanar ilipi, ibu iyoŋ tolimu akirot, abu tokona ayoŋ alimokin iyoŋ aboŋokinet a akirot a ŋin, anerae ikiminae iyoŋ nooi. Aŋun totamatama ŋuna ka akirot a ŋin, ido toyenu akisileerekinet.

Mika 5:1

Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 13:23

Isikwaanitae ŋikinyom ŋulu adoete nalup ŋuna ajokak ka ŋituŋa ŋulu iirarete akirot toyenut. Ŋul ikes kire erayete ŋikinyom, ŋice amiat, ŋice ŋatomonikanikapei, ka ŋice ŋatomoniuni.”

Mat. 24:15

“Iŋolikinete iyes ŋiboro ŋulu aronok eyakasi neni einakinitae Akuj, ikwaŋina koloŋ alimunitor ekadwaran Daniel, (toyenu ekasyoman apolou a ŋakiro a nu!)

Mar. 13:14

“Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Yoa. 1:41

Abu Anderia kisyau aryamun Simoni lokaato keŋ, tolimok tema, “Ikiryamu isua Messia” (iŋes atemar Kristo).

Yoa. 4:25

Tolimok aberu ŋin Yesu tema, “Ayeni ayoŋ atemar ebuni Messia, ŋolo enyaritae Kristo. Ŋina ebunio iŋes, ikilimokini iŋes isua ŋakiro daadaŋ.”

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋitic. 8:30

Toem nai Pilipo nagaari, kiira ekile ŋol esyomi ekitaabo ŋolo ke ekadwaran a Isaya, kiŋit tema, “Iyeni iyoŋ apolou a ŋakiro a ŋuna isyomi iyoŋ a?”

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”