Dan. 9:24 - Ebaibul

²⁴ “Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Dan. 9:24 Iomraidhean Croise

2 Ŋakiro a ŋirwa 29:24

Ekaku ŋun, apotu ŋisacaradotin toara ŋikorwa, yaasi ŋaokot a ŋikorwa kidiama Namuroet erae ainakinet ŋinalemaret asecit tomookunere Ŋisirael daadaŋ, anerae keris sek erwosit kelimu atemar tolemunae aŋuna a Ŋisirael a daadaŋ ŋainakineta ŋuna epeyo ka ŋainakineta ŋuna elemarere asecit.

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 28:12

“Lokoku a ituŋanan, kiololo aŋuna a erwosit a Tiro, tolimok iŋes atemar, alimu Ekapolon Akuj ŋakiro nu, ‘Irae paaran iyoŋ akitaanyikinet a ibore a ŋini emam aronis, irae iyoŋ ŋolo ioso nooi ka ibus nooi.

Esek. 4:5

Adau ayoŋ akimarakin iyoŋ ŋirwa ŋulu iperyo alokedyeny kon, eriyan ŋirwa ŋul ka ŋikaru ŋulu isicanere Ŋisirael. Aŋun, idaŋidaŋi iyoŋ ŋuna isicanere Ŋisirael ŋirwa ŋamiae ŋauni ka ŋatomonikanikaomwon.

Esek. 4:6

Kidau iyoŋ akidaŋidaŋ ŋun todaun ŋirwa ŋul, emaikina iyoŋ toper nabo alosyep kon a ŋolo aloteten, kidaŋidaŋ akisicanio a ŋituŋa a Yudaya. Adau ayoŋ akimarakin iyoŋ ŋirwa ŋatomoniomwon ŋulu iperyo iyoŋ aloteten kon, a ŋolokaru akoloŋit apei bon.

Ŋilep. 25:8

“‘Kimarutu ŋikaru ŋikanikaarei ŋakimarunet ŋakanikaarei. Erae ŋikaru ŋul daadaŋ ŋatomoniomwon ka ŋikanikaomwon.

Ŋilep. 8:15

toarae nai emoŋ ŋol. Tolemu Moses ŋaokot ke ekimoin keŋ, kiwosak loboorei ŋulu asibito ŋamomwar anamuroet aŋuna ka akitaleun namuroet. Tobukok ŋaokot ŋunace ŋuna idoŋete neni ewuar namuroet. A ŋun, abu Moses kitaleu amuroet tomooku.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Mat. 11:13

Anerae apotu ŋikadwarak daadaŋ ka ŋikisila todwara akitodol neni a Yoana

Mat. 4:5

Ya Satan Yesu Yerusalem, lotaun ŋolo ka Akuj, kitowuo iŋes alobibiru a ŋolo ka Akai ka Akuj,

Mar. 1:24

tema, “Icamit iyoŋ akikokin isua ai, iyoŋ Yesu ŋolo a Nasaret? Ibunit iyoŋ amunyar isua a? Akayeni ayoŋ iyoŋ atemar irae epei bon ŋolo Asegan, ŋolo ka Akuj.”

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Yoa. 1:41

Abu Anderia kisyau aryamun Simoni lokaato keŋ, tolimok tema, “Ikiryamu isua Messia” (iŋes atemar Kristo).

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋitic. 3:14

Arae iŋes ŋolo ka Akuj ka eyookino, nai ipotu iyes toŋero ka kiŋita Pilato alacakin ekaaran.

Ŋitic. 3:22

Alimunit Moses ebe, ‘Akuj Ekapolon kus iŋes iyakuuni ekadwaran aŋuna kus, lopite ŋolo ekeyakuunia ayoŋ, elomuni iŋes alotuŋa kus pei. Itemokino iyes kiwuapa ŋakiro daadaŋ ŋuna ikilimokini iŋes iyes.

Ŋitic. 4:26

Acunakinosi ŋirwosi ŋulu ka akwap ka ŋikepukak iwapei akitepeg Ekapolon Akuj ka ŋoloseuna keŋ.’

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋikol. 2:14

Abu kikisa ŋamicae yok ŋuna egiritae ka ŋikisila ŋulu etogogoŋito ŋun; kikisa iŋes ikes jik anakibubukin ikes lomusalaba.

Ŋibur. 10:14

Aŋuna ka amuronot ka apei, eturuwo iŋes ŋulu itesegunio anasecit ŋulu iyookino jik.

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Akis. 14:6

Abu nai oanyuwa emalaika ece epori alokidiama aneni alwanan, eyakar Ŋakiro ŋuna Ajokak, ŋuna nyesalunete ŋuna limokina neni a ŋituŋa a ŋulu eya nakwap, neni a ŋibukui a daadaŋ, a ŋikabilae, a ŋaŋajepa ka a ŋakwapin.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.