Dan. 9:21 - Ebaibul

²¹ ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Dan. 9:21 Iomraidhean Croise

1 Ŋirw. 18:29

Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

Ŋikiru. 103:20

Kipuro Ekapolon, iyes ŋimalaikan keŋ, iyes ŋikajiok ŋulu etirok, ŋulu iwuapito ŋakiciketa keŋ, iyes ŋulu iwuapito ŋakiro keŋ.

Ŋikiru. 104:4

Isitiyae iyoŋ ekuwuam alimorya ŋakiro kon; isitiyae iyoŋ akimilyaa akitoodiunia anyunyura kon.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Awos. 29:39

Ya ikale ipei taparacu Namuroet, ido iya ŋinice eboŋ.

Isa. 6:2

Ayakasi kidiama Ekapolon ŋisubuna ŋulu a ŋabebenuk ŋulu eteete iŋes, ayakatar ŋisubuna ŋul ŋabebenuk ŋakanikapei; ŋaarei ŋuna emukorito ereet ka ŋaarei ŋuna emukorito ŋakejen ta ŋaarei ŋuna aporyoto.

Esek. 1:11

ekote nen ŋireetin kec. Apetarito ŋitorubei ŋul ŋabebenuk kec kidiama; ayakar ŋolotorube ŋabebenuk ŋaarei, atapakina akisalet a abebenukat a epei nakisalet a abebenukat a ŋoloce, kimukito ŋabebenuk ŋace ŋaarei ŋawat kec.

Esek. 1:14

Atakanunuyete ŋisubuna ŋul atipei elosete kaku ka kiŋaren ikwa akimilyaunet.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Dan. 10:10

Abu nai akan okotap ayoŋ, ido eketonyou ayoŋ alokwap, edoŋ ayoŋ nen alyat a ŋakan ka ŋakuŋin, omarani.

Dan. 10:16

Tosodi a nen, abu emalaika ŋolo esibit ituŋanan okotap ayoŋ ŋipon, ido abu ayoŋ oŋaa akituk kaŋ ikotere erworikini, olimok nai ayoŋ ŋolo awoi alodiyete kaŋ otema, “Ekapolon kaŋ, ekeilosi ayoŋ ŋakiro ŋuna ka akisileerekinet a ŋina abu ayoŋ eŋolik, ido adaun agogoŋ aneni kaŋ.

Dan. 10:18

“Abu nabo emalaika ŋolo asibit ituŋanan okotap ayoŋ, tosodi eketogogoŋ ayoŋ.”

Dan. 8:16

Abu nai eira etoil a ituŋanan ebunit alodiyete aŋolol Ulai, anyara etoil ŋol ebala, “Gabriel kiŋarak ituŋanan en toyenu apolou akisileerekinet a ŋina abu iŋes kiŋolik anakiruja.”

Dan. 8:18

Ani eriŋa iŋes irworo neni kaŋ, apotu ŋajo ekekamut ayoŋ ojotoor nooi, oper alokwap abuburiyara, nai abu Gabriel okotap ayoŋ, eketonyou ayoŋ owo.

Mat. 27:46

Ani edoli ŋisaae ŋikanikaomwon, kikalou Yesu nooi tema, “Eli, Eli, lema sabakasani?” Apolou keŋ atemar, “Akuj kaŋ, Akuj kaŋ, kaanukiro ikiesikinia iyoŋ ayoŋ?”

Luk. 1:19

Toboŋok emalaika tema, “Ayoŋ Gaburiel, ŋolo awuoi alokiŋaren Akuj. Ekeyakuunitae ayoŋ neni kon, alimokin iyoŋ ŋakiro ŋuna ajokak ŋun.

Luk. 1:26

Ani edoli Elisabet ŋilapyo ŋikanikapei epoti, kiyakiya Akuj emalaika Gaburiel nakwap ŋina a Galileya, lotaun ŋolo anyaritae Nasaret;

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 10:9

Akoloŋit ŋina atupakini eriŋa ikes eya lorot toapiyarete Yoppa, tolot Petero akilip nagule ŋina alokidiama. Aapikinit ŋisaae ŋikanikapei ŋulu ka apaaran.

Ŋitic. 12:7

Atipei, totakanu emalaika ŋolo ke Ekapolon, kinuaku akica ejera. Totap emalaika eseket a Petero, kiiŋiiŋak kitekienyu, tolimok tema, “Tonyou atipei!” Tolacakinos ŋiriko anakan keŋ atipei.

Ŋitic. 3:1

Apeikoloŋit, toloto Petero ka Yoana Kai ka Akuj ŋisaae ŋikanikaomwon ŋulu ka apaaran ŋulu elipeneneere.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 1:7

Nabo kirwor Akuj ŋuna ikamunito ŋimalaikan tema, “Isikokini Akuj ŋimalaikan keŋ ŋikuwuamin; isikokini ŋiketiyak keŋ arira ŋina ka akim.”

Akis. 9:17

Anakiruja kaŋ, abu oanyuwa ŋaŋolei ka ŋikametok kec alopite a lo: anapito ŋikametok ŋarapeta ŋuna areŋak ikwa akim, topusiyaka ikwa ebuulu ka tonyaŋaaka ikwa Sulpa. Ekote ŋakyes ŋuna a ŋaŋolei a ŋun ŋuna a ŋiŋatunyo, alomunit akim, apuru ka Sulpa anakituka kec.