Dan. 9:20 - Ebaibul

²⁰ Ani eriŋa ayoŋ erworo, elipi, alimonori ŋasecisya kaŋ ka ŋasecisya a ŋituŋa kaŋ a Ŋisirael ka adyekanar neni ke Ekapolon Akuj kaŋ aŋuna a emukura keŋ a ŋolo asegan a ŋolo ka Akuj kaŋ

Dan. 9:20 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Neem. 1:6

kiŋolik eketiyan kon ka kiira akilip a eketiyan kon, ŋina tokona elipi ayoŋ alokiŋaren kon naparan ka nakwaare aŋuna a ŋiketiyak kon, a ŋituŋa a Isirael, alimorit ayoŋ ŋasecisya a Ŋisirael ŋuna aseci isua aneni kon, ikisec ayoŋ kaapei ka ekal kaŋ.

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Dan. 10:12

Tema iŋes neni kaŋ, “Daniel nyikuryaniar, anerae ameun akoloŋit ŋina esyaunan ŋina icamunia iyoŋ akitiditeun bon alokiŋaren Akuj ikotere iryamuni ayenut ŋakiro, eirar ŋakiro kon, ido abunit ayoŋ aŋuna a ŋakiro kon.

Dan. 10:2

Apaki ŋin, aris kedol ŋisabito ŋiuni egworo ayoŋ.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

Akis. 21:10

Abu Etau min neni kaŋ, okoya emalaika tari moru ŋolo aoyan nooi. Eketoodik Yerusalem etaun ŋolo apolon ŋolo ka Akuj ebunit alokidiama aneni ka Akuj,

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.