Dan. 9:16 - Ebaibul

¹⁶ Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Dan. 9:16 Iomraidhean Croise

Neem. 9:8

Ibu iyoŋ toryamu etau keŋ ikinyoma alokiŋaren kon, ibu iyoŋ tocamunos ka iŋes ainakin neni a ŋiletok keŋ, akwap a Ŋikanaani, a Ŋiitaiti, a Ŋiamori, a Ŋiperisi, a Ŋiebusi ka a Ŋigarigasi, ido idau iyoŋ akisiyookin akiikinet kon, anerae iyookino iyoŋ.

Ŋikiru. 143:1

Okoe Ekapolon, kiira akilip kaŋ, topupok akigworo kaŋ aŋuna ka akiŋarakino! Alotooma akikinyoma ka akiyookino kon, toboŋokinoe ayoŋ.

Ŋikiru. 31:1

Okoe Ekapolon abunit ayoŋ neni kon aryamun aiuno; nyikimyek ayoŋ ekesurumyo ŋileec; toiunae ayoŋ anakiyookino kon.

Ŋikiru. 41:13

Akipuro toyai neni ke Ekapolon, Akuj ŋina a Isirael, akipuro toyai neni keŋ tokona ka ŋikaru ka ŋikaru. Amen! Amen!

Ŋikiru. 71:2

Anakiyookino kon, tolakunae ayoŋ ka toiunae ayoŋ; topupokinae ayoŋ, ido itoiu ayoŋ.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Ŋikiru. 89:51

ŋiyany ŋulu ekeyanyata ayoŋ ŋimoe kon Ekapolon, ŋiyany ŋulu iyanyata ikes eseuna kon aneni daadaŋ itori.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 32:31

Etonyout ŋakiro a etaun a lo aŋoit ka anyunyura kaŋ ameun anakoloŋit a ŋina adukere etaun akitodol nakoloŋit na, aŋun alemari ayoŋ etaun lo ojoŋo akitere,

Yer. 32:32

aŋuna a ŋiticisyo a ŋulu aronok a ŋulu itiyaete ŋituŋa a Isirael ka ŋituŋa a Yudaya, ŋiticisyo ŋulu eketoŋoeta ikes ayoŋ, ŋulu apotu ikes kaapei ka ŋirwosi ŋikapolok, ŋisacaradotin, ŋikadwarak ka ŋituŋa ŋulu iboiyete a lo Yudaya ka ŋulu iboiyete alo Yerusalem.

Esek. 22:4

Iruworosi iyes ŋikasecak aŋuna iaryata ŋituŋa ŋuluce ka imunaarosi iyes anakujo a ŋuna itiyaut iyes. Itaapuut iyes akoloŋit kus, adaun ŋikaru kus. Aŋun, eketuruwori ayoŋ iyes ŋulu ikikyenare anakwapin ka ŋulu ikisoloo anakiboisyo a daadaŋ.

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 9:20

Ani eriŋa ayoŋ erworo, elipi, alimonori ŋasecisya kaŋ ka ŋasecisya a ŋituŋa kaŋ a Ŋisirael ka adyekanar neni ke Ekapolon Akuj kaŋ aŋuna a emukura keŋ a ŋolo asegan a ŋolo ka Akuj kaŋ

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

2 Ŋites. 1:6

Itiyakini Akuj ŋuna iyookino: iteryamuni ŋican ŋituŋa ŋulu ikiteryamunito iyes ŋican

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Sam. 2:7

Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.