Dan. 9:15 - Ebaibul

¹⁵ “Nai tokona okoe Ekapolon Akuj kosi, ŋina ibu iyau ŋituŋa kon anakwap a Ijipit a apedor kon a ŋina etiron ka kituruwo ekiro kon ŋolo eyenen alotuŋa tari nakoloŋit na. Ikisec isua ka etiyae isua ŋuna aronok.

Dan. 9:15 Iomraidhean Croise

1 Ŋirw. 8:51

(anerae erae ikes ŋituŋa kon a elope, ŋulu idau iyoŋ ayaun alo Ijipit, anakwap a ŋina atiŋitere ikes ka aryenyeo.)

2 Ŋirw. 21:15

Etiyae ayoŋ ŋakiro ŋun lotuŋa kaŋ, anerae etiyata ikes aronis alokiŋaren kaŋ ka eketoŋoa ayoŋ nooi, ŋinapei ameun akoloŋit ŋina aponiata atapapaa kec alo Ijipit akitodol tari tokona.’ ”

2 Ŋakiro a ŋirwa 6:37

ani nai ketamut ikes anakwap a ŋina erikoryo ŋuna kepotu kitiyata, ido tokiwa, todyekanaros neni kon anakwap a ŋulu arikorete ikes, temasi, ‘Ikisec isua ka ikitiya ŋuna nyiyookino; ikitiya isua ŋuna a ŋileec;’

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Neem. 1:6

kiŋolik eketiyan kon ka kiira akilip a eketiyan kon, ŋina tokona elipi ayoŋ alokiŋaren kon naparan ka nakwaare aŋuna a ŋiketiyak kon, a ŋituŋa a Isirael, alimorit ayoŋ ŋasecisya a Ŋisirael ŋuna aseci isua aneni kon, ikisec ayoŋ kaapei ka ekal kaŋ.

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Ŋikiru. 106:8

Kikote neni daŋ, abu Akuj toiu ikes aŋuna ke ekiro keŋ, ikotere Akuj iteyenuni apedori keŋ ŋina etiron.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:16

Emaikina nu totakana aneni kus ikote emacar ŋolo inapete iyes anakan kus ka erae akisiitunet atemar abu Ekapolon ikiyau isua alo Ijipit a apedori keŋ.”

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Awos. 14:18

Eyenunete Ŋijipitian atemar arae ayoŋ Ekapolon apaki ŋina eketopolooryata ayoŋ Parao ka ŋagaari keŋ ta ŋikametok ŋaŋolei keŋ.”

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Isa. 55:13

Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Yer. 14:20

Okoe Ekapolon, acamun isua asecenu kosi, acamun isua asecit atapapaa kosi, anerae ikisec isua aneni kon.

Yer. 32:10

Abu ayoŋ ewuak akan kaŋ nacamunet ŋin, ogolok, oryamu ŋisuudae, tosodi epim ŋisiliŋa a ŋakipimet.

Aum. 3:42

“Ikisec isua ka adaun isua akiŋer iyoŋ, ido nyisyonio iyoŋ isua.

Esek. 5:6

Nai aŋero ŋituŋa keŋ akiwuap ŋuna atubunit ayoŋ ka aŋero akiwuap Ŋikisila kaŋ, aruwor ikes ŋulu eroko nooi akilo ŋulu a ŋakwapin a ŋunace, aŋero ikes akiwuap ayoŋ, aroketa ikes akilo tari ŋulu a ŋakwapin a ŋuna eya nawaetin kec, aŋero ikes ŋuna atubunit ayoŋ, awout akiwuap Ŋikisila kaŋ.

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Luk. 15:21

Tolimok edya ŋol papa keŋ tema, ‘Papa, asec ayoŋ alokiŋaren Akuj ka alokiŋaren kon; nyitemokino nabo ayoŋ okanyarae lokoku kon.’

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.